ოცნების“ მიერ მხარდაჭერილ პრეზიდენტობის ე.წ. დამოუკიდებელ კანდიდატს, სალომე ზურაბიშვილს, პრორუსულ ძალებთან ერთად, მხარს სეპარატისტული განცხადებებითა და ქმედებებით ცნობილი, ვაჰგან ჩახალიანიც უჭერს.
„ერთიანი ჯავახკის“ დამფუძნებელი ჩახალიანი საგანგებო განცხადებაში წერს, რომ არ უნდა დაუშვან სომხების გათურქება, სახელისუფლებო უფლებამოსილების ბოროტად გამოყენება. ჩახალიანი მოუწოდებს ახალქალაქელებს მხარი სალომე ზურაბიშვილს დაუჭირონ.
ჩახალიანი რამდენიმე მძიმე ბრალდებით წინა ხელისუფლების დროს დააკავეს, ის ხელისუფლების შეცვლის შემდეგ, 2013 წელს „ქართული ოცნების“ გამოცხადებული ამნისტიით გათავისუფლდა.
არჩევნებამდე რამდენიმე დღით ადრე კი ის კვლავ მოუწოდებს ახალქალაქის მოსახლეობას, რომ მხარი მმართველი პარტიის კანდიდატს დაუჭირონ.