გაერთიანებული ოპოზიციის სამეგრელოს შტაბის ხელმძღვანელი მურთაზ ზოდელავა შს მინისტრს მოუწოდებს, არ შეუწყოს ხელი სიტუაციის ესკალაციას და ქურდული სამყაროს გააქტიურებას სამეგრელოში, რადგან ზოდელავას თქმით, ეს ქვეყანას მიიყვანს განადგურებამდე. შტაბში აცახადებენ, რომ ერთ-ერთმა მათმა მხარდამჭერმა გააკეთა აუდიოჩანაწერი, სადაც მას ემუქრება ვინმე ე.წ. ქურდი გია პერტია, რომ არ დაუდგეს გვერდით გაერთიანებულ ოპოზიციას. :“ გამოჩნდა ერთი პატიოსანი ადამიანი, ჩვენი მხარდამჭერი ხობიდან, რომელმაც მოიპოვა ეს აუდიოჩანაწერი და დღეს გადასცემს ხობის სასამართლოს. ეს არ არის მარტო ერთი შემთხვევა, არამედ ძალიან ბევრი ასეთი ფაქტი ვიცით ჩვენ. გახშირებულია კრიმინალური შემთხვევები, გუშინწინ ზუგდიდის ცენტრში დაჭრეს ყოფილი პოციელი გულია, მაშინ როცა თქვენ აქვე იმყოფებოდით, ამიტომ ბატონო გახარია, უნდა აირჩიოთ თქვენ, რომელ მხარეს იდგებით, ყოფილი პოლიციელების, თუ ნარკომანების და ბანდიტების მხარეს“- განაცხადა მურთაზ ზოდელავამ დღეს გამართულ ბრიფინგზე.
გაერთიანებული ოპოზიციის მხარდამჭერზე მუქარისა და ძალადობის შესახებ აუდიოჩანაწერს დღეს ხობის სასამართლოში შეიტანენ [Video]
Published on