ზუგდიდში გაერთიანებული ოპოზიციის შტაბთან ახალგაზრდების აქცია გაიმართა.აქციაზე დაპირისპირება მოხდა. შტაბთან შეკრებილი გაერთიანებული ოპოზიციის მხარდამჭერები და აქციის მონაწილეები ერთმანეთს სიტყვიერად და ფიზიკურად გაუსწორდნენ.აქციის შესახებ სოციალურ ქსელში სპეციალური განცხადება წუხელ დაიდო.“ერთად ვუთხრათ უარი მოძალადე რეჟიმს, რომელმაც ონლაინმედია ,,მეველეს“ მოხალისე ჟურნალისტებზე იძალადა და საქმიანობის განხორციელების საშუალება არ მისცა!!!“- აცხადებენ აქციის ორგანიზატორები. მათ ხელში უჭირავთ პლაკატები ,,არა ნაციზმს,, აქციის მონაწილეებს შორის არიან ის პირები, რომლებიც წუხელ გაერთიანებული შტაბის წინ დააკავეს, ისინი აცხადებენ, რომ კითხვები აქვთ ნაციონალურ მოძრაობასთან, ამ კითხვების დასმის საშუალება მათ წუხელ არ მიეცათ. ეს კითხვა კი მათ ბანერზე უწერიათ: ,,რატომ გსურთ ქვეყანაში დესტაბილიზაცია?,, გაერთიანებული ოპოზიციის შტაბ შს მინისტრს მიმართავს და დაგეგმილ აქციაზე პასუხისმგებლობას გიორგი გახარიას აკისრებს.