გაერთიანებული ოპოზიციის საპრეზიდენტო კანდიდატი გრიგოლ ვაშაძე ყოფილი ბავშვთა სამყაროს მიმდებარე ტერიტორიაზე მოვაჭრეებსა და მცირე მეწარმეებს შეხვდა. მოვაჭრეებმა საპრეზიდენტო კანდიდატთან მძიმე ეკონომიკურ მდგომარეობაზე და მთავრობის მხრიდან უყურადღებობაზე ისაუბრეს. გრიგოლ ვაშაძის თქმით, გამოუძიებელია საეჭვოდ დამწვარი ბაზრობების საქმეები და ხელისუფლება არც დაზარალებული ხალხის დასახმარებლად აკეთებს არაფერს:
„20-მდე ბაზრობა სრულიად გაურკვეველი მიზეზით დაიწვა, ვითომ, არაფერი გამოძიებული არ არის. ეს ხალხი, რომელიც ძლივს ინახავს ოჯახს აი, აქ ყოველდღიური მძიმე შრომით, ისედაც ბედის ანაბარა იყვნენ მიტოვებული და მას შემდეგ კაციშვილს ხელი არ გაუნძრევია, რომ მათ დახმარებოდა.“ – განაცხადა გრიგოლ ვაშაძემ.