მიხეილ სააკაშვილი ქართველებს ვარდების რევოლუციის 15 წლისთავს ულოცავს. სააკაშვილი ფეისბუკის გვერდზე ვიდეოს ავრცელებს, სადაც 2003 წლის რევოლუციას იხსენებს და იმ გამოწვევებზე საუბრობს, რომლის წინაშეც საქართველო ახლა დგას.

 

„15 წლის წინ ქართველმა ხალხმა მოახდინა ნამდვილი სასწაული, ყველას ეგონა, რომ შევარდნაძე იყო დაუმარცხებელი, სისტემა იყო მუდმივი, ჩვენს ქვეყანას არ ქონდა არანაირი პერსპექტივა წარმატების მიღწევის და წინსვლის, მაშინ ხალხმა ამ უიმედობას გადაუსვა ხაზი და გაათავისუფლა ჩვენი ქვეყანა. ვარდების რევოლუციამ მყარად დააბრუნა საქართველო მსოფლიო რუკაზე. ვარდების რევოლუცია იყო ჩვენი წარმატების, ჩვენი რეფორმების საწინდარი. საქართველომ დაიწყო წინსვლა და უფრო მეტი ბრუნდებოდა, ვიდრე მიდიოდა. ახალი ქალაქები აშენდა, საართველომ ირწმუნა საკუთარი ძალა და ეს ყველაფერი გააკეთა ქართველმა ხალხმა. ახლა, 15 წლისთავზე ჩვენ გვაქვს ისევ ბევრი გამოწვევა, საქართველოს ისევ მოაჯდა ურჩხული. ისევ მიგვათრევენ 90-იანებში და კიდევ უფრო უკან. ახლაც მჯერა, რომ ჩვენი ხალხი მსოფლიოს დაანახებს საკუთარ თავმოყვარეობას.საქართველოს აქვს უზარმაზარი პერსპექტივა, მე უსაზღვროდ მწამს ქართველი ხალხის, გვფარავდეს წმინდა გიორგი. ჩვენ აუცილებლად გავიმარჯვებთ, ჩვენ აუცილებლად გადავლახავთ ამ პრობლემებსაც.“- აცხადებს სააკაშვილი