შსს მინისტრი ზუგდიდში შეხვედრებს აგრძელებს, ამჯერად შეხვედრის ობიექტი მოსწალე-სპორტსმენები არიან [Video]

0
486

შინაგან საქმეთა მინისტრი გიორგი გახარია, რომელიც 2 კვირაზე მეტია, სამეგრელოში იმყოფება, წინასაარჩევნოდ შეხვედრებს სხვადასხვა სფეროს წარმომადგენლებთან აქტიურად მართავს. მედიიისთვის ყველა ასეთი შეხვედრა დახურულია. დღეს გახარია სამეგრელო-ზემო სვანეთის გუბერნატორთან ერთად სპორტსმენებს შეხვდა, შეხვედრიდან გამოსული სპორტსმენები კამერებთან ყვებიან, რომ მინისტრი მათ დარბაზის აშენებას დაპირდა და იმ პრობლემების მოგვარებას, რომელიც სპორტსმენებს აწუხებთ. სპორტსმენები შეხვედრაზე ტრენერებთან ერთად მოვიდნენ, სკოლის მოსწავლე-სპორტსმენები ამბობენ, რომ შესაძლოა ეს შეხვედრა არჩევნების გამოც დაიგეგმა. გიორგი  გახარია სამეგრელოში ყოფნის პერიოდში ასევე შეხვდა რეგიონის თვითმმართველობის წარმომადგენლებს და მაჟორიტარ დეპუტატებს, ასევე მცირე მეწარმეებს – ფერმერებს, თხილის ქარხნის თანამშრომლებს, პედაგოგებს. გაერთიანებული ოპოზიციის შტაბში აცხადებენ, რომ პირველი ტურის მარცხის შემდეგ ხელისუფლება ყველა მანიპულაციით ცდილობს ამომრჩევლის დაშინებას  და „ჩახუტებულია“  ავტორიტეტებს, ე.წ. ძველ ბიჭებს.

 

 

 

 

წინა სტატია“როგორც ცნობილი გახდა, ნოდარ ვაშაძე შშმ პირია, ამაში არც დასამალი, მით უფრო – სასირცხვილო არაფერია”- ანა ნაცვლიშვილი
შემდეგი სტატია“ვარდების რევოლუციის 15 წლისთავზე საქართველო ახალი გამოწვევების წინაშე დგას”- მიხეილ სააკაშვილი [Video]
ტელეკომპანია ოდიშის საინფორმაციო სამსახური