წუხელ ზუგდიდში თხილის გადამამუშავებელი ერთ-ერთი ქარხნის მეწილე დაჭრეს. მეწილეებს ერთმანეთში თხილის გამო მოუვიდათ დავა.
არსებული ინფორმაციით, მათ შორის დაწყებულ სიტყვიერ დაპირისპირებაში ადგილობრივი ავტორიტეტებიც ჩაერთვნენ. საქმის გარჩევას ფიზიკური დაპირისპირება მოჰყვა, რაც საბოლოოდ ორი ადამიანის დაჭრით დასრულდა.
ქარხნის მეწილეს 35 წლის ბესო დგებუაძეს სამი ტყვია მოხვდა, მას წუხელვე ჩაუტარდა სასწრაფო ოპერაცია ზუგდიდის რეფერარულ საავადმყოფოში , ის კვლავ მართვით სუნთქვაზეა. მისი მდგომარეობა სტაბილურად მძიმეა
დანით არის დაჭრილი ფეხის არეში მისი მეგობარი კახა ჯიქია. .ის ქირურგიულ განყოფილებაშია მოთავსებული. ექიმების თქმით ჭრილობა შედარებით მსუბუქია, და სიცოცხლისთვის საშიში არ არის.
გამოძიება განზრახ მკვლელობის მცდელობის მუხლით დაიწყო.
დაჭრის ფაქტი გუშინ, 21 ნოემბერს დაფიქსირდა. აღნიშნულთან დაკავშირებით, გამოძიება საქართველოს სისხლის სამართლის კოდექსის 19-108 მუხლით დაიწყო, რაც განზრახ მკვლელობის მცდელობას გულისხმობს.