სანამ სალომე ზურაბიშვილი და მისი მხარდამჭერი პოლიტიკური ძალები ,,არკვევენ,'' ვინ არის დამნაშავე  რუსეთ- საქართველოს ომში,  ხოლო  ქართველი კინემატოგრაფისტები ხელგაშლილად მასპინძლობენ კოლეგებს,რომელნიც ღიად მონაწილეობენ აფხაზების სამხედრო აღლუმებში,   და ოკუპირებული ქვეყნის გულში   აცხადებენ, რომ რუსეთი ოკუპანტი არ არის,  ვლადიმერ პუტინი სოჭში რაულ ხაჯიმბას ხვდება.

 

  რუსეთ-აფხაზეთის ურთიერთობებს განსაკუთრებული, სტრატეგიული და სამოკავშირეო ხასიათი აქვთ, – ამის შესახებ რუსეთის პრეზიდენტმა ვლადიმერ პუტინმა ოკუპირებული აფხაზეთის დე ფაქტო პრეზიდენტთან რაულ ხაჯიმბასთან შეხვედრაზე განაცხადა.

 

„მოხარული ვარ თქვენი ნახვის. მიმდინარე წლის ზაფხულშიც შევხვდით ერთმანეთს. ჩვენს ურთიერთობებს, რა თქმა უნდა, სტრატეგიული, სამოკავშირეო ხასიათი აქვთ“, – განაცხადა რუსეთის პრეზიდენტმა.

 

ვლადიმერ პუტინმა აღნიშნა, რომ ეს შეხვედრა საშუალებას იძლევა განხილულ იქნეს ორმხრივი ურთიერთობების აქტუალური საკითხები.

 

მისივე თქმით, სავაჭრო ბრუნვა რუსეთსა და ოკუპირებულ აფხაზეთს შორის იზრდება.

 

„ჩვენი სავაჭრო ბრუნვა იზრდება მცირე ტემპებით: გასულ წელს 5% იყო, ხოლო ამ წლის პირველი 9-10 თვის განმავლობაში კი 2%“, – აღნიშნა მან.

 

მისივე თქმით, საჭიროა „აფხაზეთის ეკონომიკის განვითარების დაჩქარება, რასაც დამატერბითი ძალისხმევა სჭირდება“.