„ქართული ოცნების" გენერალურმა მდივნის  კახა კალაძის  თქმით, სალომე ზურაბიშვილისა და მისი ოჯახის მიმართ შეურაცხყოფას აქვს ადგილი,  დაშესაბამისად, მისთვის გასაგებია, თუ რატომ თქვა უარი კანდიდატმა "რუსთავი 2"-ის გადაცემაში მონაწილეობაზე.

 

„მთელი ამ საარჩევნო კამპანიის განმავლობაში ხდებოდა პირადად სალომე ზურაბიშვილის შეურაცხყოფა. ოჯახის წევრებზე გადავიდნენ, ძალიან მძიმე მოსასმენია ეს ყველაფერი. ხდებოდა კონკრეტულად ხელის შეშლა საარჩევნო კამპანიის პროცესში. უამრავი მაგალითი და ფაქტები შეგვიძლია მოვიყვანოთ ამასთან დაკავშირებით, როდესაც ის ხვდებოდა რეგიონებში მოსახლეობას, თუ როგორი შეურაცხყოფებით მიმართავდნენ, როგორი იყო მის მიმართ დამოკიდებულება. მესმის მისი დამოკიდებულება და განწყობა კონკრეტულად ამ ტელევიზიასთან მიმართებაში, რომ მიიღო გადაწყვეტილება არ მივიდეს.

 

თუმცა, ჩვენ, გუნდი მზად ვიყავით და ამასთან დაკავშირებით წერილობითაც ეცნობა „რუსთავი 2“- ს, რომ მზად ვიყავით მივსულიყავით პარტია "ქართული ოცნება".

 

შეეშინდათ პარტია მივსულიყავით "რუსთავი 2"-ზე იმიტომ, რომ ძალიან კარგად ახსოვთ, თუ რა მდგომარეობაში ჩავაყენეთ 2016 წელს, 2017 წელსაც და იგივე განმეორდებოდა ახლაც , რადგან სიმართლე არის ჩვენს მხარეს“, – განაცხადა კახა კალაძემ.