„ჩვენ დღეს რომ ვართ ისე კარგად არასდროს ვყოფილვართ. საქართველო ისტორიულად ისეთი მდიდარი არასდროს ყოფილა, როგორიც არის დღეს, მათ შორის არც „ნაციონალური მოძრაობის“ დროს და საერთოდ არც არასდროს.

 

სიღარიბე ქვეყანაში მუდამ არსებობდა, თუმცა რამდენად დაუჯერებლადაც არ უნდა ჟღერდეს დღევანდელი პერიოდი  არის საუკეთესო ქართულ ისტორიაში“ – ამგვარად ახსნა გაუარესებული სიღარიბის მდგომარეობა ეკონომიკისა და მდგრადი განვითარების მინისტრმა გიორგი ქობულიამ.

 „კომერსანტისთვის''  მიცემულ  ექსკლუზიურ ინტერვიუში.

 

 

საკითხავია ვინ არის ის ,,ჩვენ'' , რომლიცთურმე დღეს ისე კარგად   ყოფილა , როგორც არასდროს,  და არის თუ არა ეს მისი ,,ძალიან მდიდარი ქვეყანა'' ის ქვეყანა, სადაც    მსოფლიო ბანკის ანგარიშის თანახმად მოსახლეობის 32% არის ღარიბია, 37% – საშუალოდ ღარიბი, ანუ მოსახლეობის 69 % ცხოვრობს სიღარიბეში, 24%  სიღარიბის ზღვართან ახლოს (მოწყვლადი ჯგუფი) და მხოლოდ 7%-ა საშუალო კლასის წარმომადგენელი.