,,ერთიანი ნაციონალური მოძრაობის" წევრი ზურაბ მელიქიშვილი ბიძინა ივანიშვილის გუშინდელ ინტერვიუს აფასებს, სადაც მან დაადასტურა, რომ არჩევნების პირველი ტურის შემდეგ მმართველი გუნდის წევრებთან მძიმე საუბარი ჰქონდა.
მელიქიშვილის თქმით, გაყალბებული ეგზიტპოლებით ივანიშვილი არავის მოუტყუებია და ეს ყველაფერი გეგმის ნაწილია.
"ის არავის მოუტყუებია, ეს მისი გეგმის ნაწილი იყო – გაყალბებული ეგზიტპოლები, გაყალბებული კვლევა, ერთის მხრივ რომ ეჩვენებინათ საზოგადოებისთვის, რომ თითქოს მხარდაჭერით სარგებლობენ და მეორეს მხრივა ადგილებზე გაეყალბებინათ, ჩაუვარდათ კოვზი ნაცარში, რადგან ქართველმა ხალხმა გაერთიანებულმა ოპოზიციამ ერთად პირველ ტურში დაიცვა ხმები და ვერ მიიღეს გაყალბებით ის შედეგები, რასაც ელოდებოდნენ. შესაბამისად ახლა ხდება გადაბრალება" – აღნიშნავს ზურაბ მელიქიშვილი.
შეგახსენებთ, ბიძინა ივანიშვილმა გუშინცელ ინტერვიუში განაცხადა: გუნდი ისე იყო დარწმუნებული საკუთარ ძალებში, რომ კვლევებიც კი, პროფესიონალურად არ ჩაუტარებია – რეალურად, პარტიული რესურსით ახერხებდნენ კვლევის ჩატარებას – ასეთი ცდომილება იყო სირცხვილი! იმას რასაც ელოდნენ, ეგზიტპოლების შემდგომ, მეც კი გამომიყვანეს. ეს იყო სირცხვილი. ამაზე მეც მქონდა მკაცრი საუბარი.
არავითარი გრძნობადობა, ჰქონდათ აბსოლუტურად აცდენილი მოლოდინი რეალობასთან. 14% სხვაობა არის სირცხვილი – ამას კვლევა აღარ ჰქვია! ''