ქუთაისის საკრებულოს ფრაქცია „ნაციონალური მოძრაობის“ თავმჯდომარის შეფასებით, მომავალ წელს ქუთაისის ბიუჯეტი 10 მილონი ლარით ნაკლები იქნება.

 

 

"საკრებულოში შემოსული პროექტის თანახმად 2019 წლის ბიუჯეტი 49 მილიონი ლარითაა განსაზღვრული. თანხის 50% 24,5 მილიონი ლარი ხელფასებში გაიხარჯება. კვება და საჩუქრები მერიას 180 ათასი ლარი დაუჯდება, ეს თანხები 2018 წელთან შედარებით გაზრდილია. ხოლო გზებისთვის 2 მილიონი ლარი დაიხარჯება, რაც მიმდინარე წელთან შედარებით 8 მილიონი ლარით ნაკლებია. ეს იმას ნიშნავს, რომ პარლამენტის წაღების შემდეგ ხელისუფლებისთვის ქუთაისი პრიორიტეტი აღარ არის,"- განაცხადა შუშანიამ.