ზუგდიდის მუნიციპალიტეტში ქალაქსა და სოფელში უგზოობას უჩივიან, ადგილობრივები ამბობენ, რომ ინფრასტრუქტურა საერთოდ მოშლილია და გადაადგილება უჭირს როგორც ტრანსპორტს, ასევე ქვეითსაც. განსაკუთრებულ უკმაყოფილებას მძღოლები გამოთქვამენ, რომლებიც ამბობენ, რომ დამტვრეული გზები მანქანას აფუჭებს და შენახვა ძვირი უჯდებათ, ამას ემატება ისიც, რომ საწვავი ძვირია და აცხადებენ, რომ ფაქტიურად პურის ფულსაც ვერ შოულობენ. ზოგიერთ ადგილას საკალიზაციო ჭას თავსახური ახდილი აქვს და საფრთხეს უქმნის მოძრაობას, რადგან არა აქვს საგზაო ნიშანი, რაც იწვევს ავარიულ სიტუაციებს. არის ქუჩები, სადაც გზა დავიწროებულია, ხოლო ტროტუარზე ასფალტის საფარი არ არის.