მამუკა ბახტაძე: „ქართული ოცნების“ ხელისუფლების პირობებში არჩევნები ტარდება უმაღლესი სტანდარტით”

0
584
„ქართული ოცნების“ ხელისუფლების პირობებში არჩევნები ტარდება უმაღლესი სტანდარტით – ამის შესახებ ჟურნალისტებს პრემიერ-მინისტრმა მამუკა ბახტაძემ განუცხადა.   ასე გამოეხმაურა იგი არასამთავრობო ორგანიზაციების შეფასებას საარჩევნო პერიოდში გამოვლენილი გარკვეული დარღვევების შესახებ .
 
„რაც შეეხება არასამთავრობოების შეფასებას, 2012 წლიდან სწორედ „ქართული ოცნება“ გახლავთ გარანტი იმისა, რომ საქართველოში ტარდება თავისუფალი, დემოკრატიული და გამჭვირვალე არჩევნები. ყველა არჩევნები, რომელიც ჩატარდა ჩვენი ხელისუფლების პირობებში, იყო მაღალი სტანდარტით ჩატარებული და ამას მოწმობს ყველა საერთაშორისო ორგანიზაციის შეფასება. პირადად მე ვიყავი ჩართული და ვთხოვე ჩვენს მეგობრებს საერთაშორისო ორგანიზაციებიდან, რომ გაზრდილიყო დამკვირვებლების რაოდენობა.
 
ჩვენ გვაქვს საქმე ისეთ ოპონენტთან, რომელსაც არაერთხელ უკადრებია ის, რომ გარკვეული სცენები დაუდგამს. მე ამასაც ვერ გამოვრიცხავ, მაგრამ რაზეც არ უნდა ვსაუბრობდეთ ჩვენ, ბუნებრივია, ნებისმიერ დარღვევაზე თუ ხარვეზზე რეაგირება უნდა იყოს ძალიან მკაცრი. თუ მართლა ჰქონდა ადგილი ასეთ შემთხვევებს, შესაბამისი ორგანოები ძალიან ოპერატიულ რეაგირებას მოახდენენ და დარწმუნებული ვარ, ჩვენი მეგობრები აუცილებლად ნახავენ იმას, რომ „ქართული ოცნების“ ხელისუფლების პირობებში არჩევნები ტარდება უმაღლესი სტანდარტით“, – განაცხადა მამუკა ბახტაძემ
წინა სტატია,,ქართულმა ოცნებამ” მალთაყვაში ე. წ. მეორადი ტანსაცმელის ფუთების წინასწარ შედგენილი სიებით დარიგება სცადა- ამომრჩევლის ხმების მოსყიდვის ახალი მეთოდი
შემდეგი სტატია“ვიღაცისთვის ხომ უნდა დაებრალებინათ და მე დამაბრალეს, არადა ისინი ორმა უცხო მამაკაცმა მოკლა ჩემს თვალწინ” – აცხადებს მალხაზ კობაური
ტელეკომპანია ოდიშის საინფორმაციო სამსახური