არჩევნების შუაკვირაში დანიშვნა ნამდვილად გარკვეულ ეჭვებს ბადებს. არ ვიცი რამდენად შეუწყობს ხელს ეს ხმის მიცემის პროცესში თავისუფალ და გამჭვირვალე მონაწილეობას”. – აცხადებს ლიეტუვის საგარეო საქმეთა მინისტრი

0
544
ევროკავშირის საგარეო საქმეთა მინისტრები ამბობენ, რომ საპრეზიდენტო არჩევნები საქართველოსთვის და მისი დემოკრატიული განვითარებისთვის მორიგი ტესტი იქნება.
 
მეორე ტურის შუაკვირაში, სამუშაო დღეს დანიშვნა უსიამოვნო მოულოდნელობა აღმოჩნდა ლიეტუვას საგარეო უწყების ხელმძღვანელისთვის.
 
„კურიერთან“ საუბრისას ლინას ლინკევიჩუსი თავად დაინტერესდა ამ საკითხით და განაცხადა, რომ სამუშაო დღეს არჩევნების დანიშვნა გარკვეულ ეჭვებს ნამდვილად ბადებს.
 
„არჩევნები ყოველთვის არის დემოკრატიის ტესტი გამჭვირვალობის კუთხით, როგორ არის ორგანიზებული რეფორმების გატარება, რომელიც შეუქცევადი უნდა იყოს. რადგან ხელისუფლების შეცვლამ ან არ შეცვლამ არ უნდა მოახდინოს უარყოფითი გავლენა რეფორმების მოტივაციაზე.
 
კერძოდ, რასაც ველით საქართველოსგან ევროინტეგრაციის თუ ევროატლანტიკური ინტეგრაციის კუთხით. პირველ რიგში საქართველოს ხელისუფლება ამას სერიოზულად და პასუხისმგებლობით უნდა მიუდგეს. ტესტი კი საკმაოდ გადამწყვეტია.
 
– თარიღი უკვე დანიშნულია ? მაშინ ნება მომეცით დავამატო. თარიღი ჩვენთვის ცოტა არ იყოს სიურპრიზია. რადგან რბილად რომ ვთქვათ, შუაკვირაში დანიშვნა არატრადიციულია. არ ვიცი რამდენად შეუწყობს ხელს ეს ხმის მიცემის პროცესში თავისუფალ და გამჭვირვალე მონაწილეობას. ეს ნამდვილად გარკვეულ ეჭვებს ბადებს“- აცხადებს ლიეტუვის საგარეო საქმეთა მინისტრი ლინას ლინკევიჩუსი
წინა სტატია“ვიღაცისთვის ხომ უნდა დაებრალებინათ და მე დამაბრალეს, არადა ისინი ორმა უცხო მამაკაცმა მოკლა ჩემს თვალწინ” – აცხადებს მალხაზ კობაური
შემდეგი სტატია,,სესხების განულებასთან დაკავშირებით დეკემბერში გამოვლენ და იტყვიან, რომ სხვა რაღაცას გულისხმობდნენ. მოიმიზეზებენ, რომ მიკროსაფინანსოებმა უარი უთხრეს და ა.შ.”- განაცხადა გიორგი ვაშაძენ დღევანდელ ბრიფინგზე
ტელეკომპანია ოდიშის საინფორმაციო სამსახური