თბილისის შემდეგ ახალი ბილბორდები ზუგდიდში გამოჩნდა. სალომე ზურაბიშვილის სარეკლამო ბანერზე გამოსახული ბიძინა ივანიშვილის ბილბორდები ქალაქში გვიან ღამით გააკრეს. საპრეზიდენტო არჩევნების მეორე ტურის დანიშვნის შემდეგ საქართველოს ქალაქებში ბილბორდები, შემდეგ კი სოციალურ ქსელებში ამ ბილბორდების ფოტოები გაჩნდა, რომლებზეც წინასაარჩევნო აგიტაციის ფარგლებში გამოსახული იყვნენ მმართველი პარტია "ქართული ოცნება – დემოკრატიული საქართველოს" ლიდერები. გაკვირვება გამოიწვია იმან, რომ არც ერთი მათგანი პრეზიდენტობის კანდიდატი არ არის. პარტია "ქართულმა ოცნებამ" არჩევნებზე საკუთარი კანდიდატი არ წამოაყენა და მხარი დამოუკიდებელ კანდიდატ სალომე ზურაბიშვილს დაუჭირა.