თიბისი გალერეაში, მოსწავლე გამომგონებელთა და მკვლევართა კონკურსის – „ლეონარდო და ვინჩი" 18 ფინალური პროექტის გამოფენა და გამარჯვებულების დაჯილდოება ჩატარდა.

კონკურსის გამარჯვებულების სია ასე გამოიყურება:

 

გრან პრი – სერვანტესის სახელობის გიმნაზია – „აია-ჯესს"-ის XII კლასის მოსწავლეები: დეა ილარიოვა, შორენა გუჯაბიძე და მარინა გუჯაბიძე. პროექტი – „Health care" – გარემოს მრავალფუნქციური მონიტორინგის სისტემა.

 

I ადგილი – სენაკის წმინდა ალექსი შუშანიას სახელობის მართლმადიდებლური სკოლა-გიმნაზიის X კლასის მოსწავლეები: მილანა გაგულია, მარიამ ბახტაძე და ანა კალანდარიშვილი. პროექტი – უნივერსალური მოწყობილობა უსინათლოთათვის.

II ადგილი – საჩხერის გენერალ გიორგი კვინიტაძის სახელობის კადეტთა სამხედრო ლიცეუმის XII კლასის მოსწავლეები: ერეკლე თაბაგარი, ნინო მაკასარაშვილი, თამარ დეკანოიძე. პროექტი – კვების პროდუქტები მენიუ კალორიებით – „ერთი ნაბიჯი ჯანსაღი კვებისკენ".

III ადგილი – ქუთაისის ნიკო ნიკოლაძის სახელობის სკოლა-ლიცეუმის VIII-XII კლასის მოსწავლეები: ნატა სულაქველიძე და გვანცა მაჩიტიძე. პროექტი – უსინათლოთა სიარულის მაკორექტირებელი სენსორული სისტემა.

 

პირველ ადგილზე გასული პროექტის ავტორი   5000 ლარით დაჯილდოვდა.  მას ასევე გადაეცა  თიბისი სტატუსის საქველმოქმედო პლატფორმის  – StatusDonates.ge -ს მიერ დაწესებული სპეციალური პრიზი – ყოველთვიური, ერთწლიანი სტიპენდია 

 

რაც შეეხება სხვა დაჯილდოებულებს – გრან პრით დაჯილდოებული პროექტის ავტორი შემეცნებითი ტურით საზღვარგარეთ გაემგზავრება. 

მეორე ადგილზე გასული გამომგონებელი  – 3000 ლარით დაჯილდოვდა, , მესამე ადგილზე გასული  – 2000 ლარით 

გამარჯვებული პროექტების ავტორები  აშშ-ში, ინტელის საერთაშორისო სამეცნიერო-საინჟინრო გამოფენაზე – Intel ISEF საქართველოს სახელით მიიღებენ მონაწილეობას

 

მოსწავლე გამომგონებელთა და მკვლევართა კონკურსი – „ლეონარდო და ვინჩი" საქართველოს განათლებისა და მეცნიერების სამინისტროს ინიციატივითა და შოთა რუსთაველის ეროვნული სამეცნიერო ფონდის ორგანიზებით წელს მეცხრედ ჩატარდა. 2016 წლიდან პროექტის ოფიციალური მხარდამჭერია თიბისი. კონკურსის მიზანია მეცნიერების პოპულარიზაცია, სამეცნიერო სფეროში ახალგაზრდა კადრების მოზიდვა, სამეცნიერო მიმართულებებით მოზარდების ჯერ კიდევ სკოლის ასაკიდან დაინტერესება. 2010 წლიდან დღემდე კონკურსში 402 საკონკურსო განაცხადი იყო წარდგენილი, რომელთაგან 53 გამარჯვებული პროექტი გამოგონებად ჩაითვალა.