მთავარისიახლეებიპოლიტიკაგაერთიანებული ოპოზიცია ცესკოს არჩევნების სამუშაო დღეს დანიშვნის გამო სასამართლოში უჩივის

გაერთიანებული ოპოზიცია ცესკოს არჩევნების სამუშაო დღეს დანიშვნის გამო სასამართლოში უჩივის

Published on

მოძრაობა „ძალა ერთობაშია“ ცენტრალურ საარჩევნო კომისიას არჩევნების თარიღის სამუშაო დღეს დანიშვნის გამო სასამართლოში უჩივის.
 
როგორც „ნაციონალური მოძრაობის“ წევრი ლევან ბეჟაშვილი აცხადებს, ოპოზიცია სასამართლოში სარჩელს დღის განმავლობაში შეიტანს. მისი განმარტებით, ცესკომ საარჩევნო კოდექსის რამდენიმე მუხლი დაარღვია და სასამართლოსთვის, სავარაუდოდ, ოპოზიციის არგუმენტები საინტერესო იქნება.
 
„ცესკომ არჩევნები დანიშნა 28 ნოემბერს, სამუშაო დღეს. ამ განკარგულებას ვასაჩივრებთ თბილისის საქალაქო სასამართლოში. სარჩელით ვაპროტესტებთ იმ კანონდარღვევებს, რომელიც ცესკო-მ ჩაიდინა საარჩევნო კოდექსთან მიმართებაში. ცესკოს არ ჰქონდა უფლება დაენიშნა არჩევნები სამუშაო დღეს. არსებული კანონმდებლობით, შეეძლო პირველი ტურის შედეგები შეეჯამებინა შაბათ-კვირას და მეორე ტური დაენიშნა არასამუშაო დღე. შესაბამისად, ყველა მოქალაქეს, როგორც ქვეყნის შიგნით, ისე ქვეყნის გარეთ შესაძლებლობა მიეცემოდა თავისი არჩევანი დაეფიქსირებინა. გარდა ამისა, მნიშვნელოვანია, რომ თავად ცესკო-ს განკარგულება აქვს არჩევნების გრაფიკის შესახებ, სადაც 1 დეკემბერი არის აღნიშნული არჩევნების მეორე ტურის გამართვის შესაძლო თარიღად“, – განაცხადა ბეჟაშვილმა.
 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...