საპრეზიდენტო არჩევნების მეორე ტური 28 ნოემბერს გაიმართება და დასვენების დღედ გამოცხადდება

0
499

2018 წლის საპრეზიდენტო არჩევნების მეორე ტური 28 ნოემბერს გაიმართება. აღნიშნული გადაწყვეტილება ცენტრალური საარჩევნო კომისიის სხდომაზე მიიიღეს. ეს დღე საქართველოში დასვენების დღედ გამოცხადდება. საპრეზიდენტო არჩევნების პირველ ტურში 25 კანდიდატი მონაწილეობდა. აქედან 19 პოლიტიკური სუბიექტის, ექვსი კი საინიციატივო ჯგუფის მიერ იყო დასახელებული. თუმცა მეორე ტურში გადასვლა დამოუკიდებელმა კანდიდატმა, სალომე ზურაბიშვილმა, რომელსაც მმართველი პარტია უჭერს მხარს და პოლიტიკური გაერთიანება „ძალა ერთობაშიას“ პრეზიდენტობის კანდიდატმა, გრიგოლ ვაშაძემ შეძლეს. არჩევნები 73 საარჩევნო ოლქში გაიმართება. ცენტრალური საარჩევნო კომისიის ინფორმაციით, მთელი ქვეყნის მასშტაბით 3 637 და გამონაკლის შემთხვევაში შექმნილი 11 საარჩევნო უბანი გაიხსნება. საზღვარგარეთ გახსნილი უბნების რაოდენობა კი ჯამურად 57-ს შეადგენს. ამომრჩეველთა ერთიან სიაში 3 504 082 ამომრჩეველია, საზღვარგარეთ რეგისტრირებულია 14 795 ამომრჩეველი, ჯამში სულ – 3 518 877 ამომრჩეველი.

წინა სტატიაანა გომესი: ,,ქართველ ხალხს საშუალება უნდა მიეცეს, თავისუფლად გამოხატოს თავისი აზრი საკუთარი საპრეზიდენტო არჩევნების მეორე ტურზე”
შემდეგი სტატია“ივანიშვილმა მეტი ვერავინ იპოვა 600 კაციან ევროპარლამენტში და ჩაუშესკუს ყოფილი კომუნისტური პარტიის წარმომადგენელი დაიმოწმა” – მიხეილ სააკაშვილი
ტელეკომპანია ოდიშის საინფორმაციო სამსახური