ფეისბუქგვერდი „მამები სიმართლისთვის“ ავრცელებს ინფორმაციას, რომ პარლამენტის წინ მიმდინარე შვილმოკლული მამების აქციაზე პროვოკატორი შევიდა, რომელმაც თემირლან მაჩალიკაშვილის სურათის ჩამოხევა სცადა:
„დღეს პროვოკატორი შემოვიდა და სცადა თემირლანის სურათის ჩამოტეხვა, რაც აქციის მონაწილეებმა შეამჩნიეს და შემდგომში ამერიკის დროშები ჩამოგლიჯა“.
პანკისის სპეცოპერაციის დროს მოკლული თემირლან მაჩალიკაშილის მამა, მალხაზ მაჩალიკაშვილი სოციალურ ქსელში აქვენებს სტატუსს, რომელშიც ჩეჩნეთისადა ჩეჩნების გამასხარავების მცდელობებზე საუბრობს. „მოგესალმებით საზოგადოებას. მე მეამაყება ჩემი ჩეჩნეთი.მეამაყება ჩემი სამშობლო საქართველო. ვაინახი ერი მეამაყება და ქართველი ერი იმიტომ, რომ მე ორივე ერს მივეკუთნები. ოლიგარქ ბიძინას მირჩევნია მსოფლიო დონის პოლიტიკოსი სააკაშვილი (თუ გაინტერესებთ). მე არც ნაციონალი ვარ და არც სამარცხვინო – ქოცი. რაც შეეხება ჩეჩნეთის „გამასხარავებას“ ეს არ გეპატიებათ უნამუსო ნაძირალებს, რომლებსაც კაცობა არ გაგაჩნიათ. მიდით, იყბედეთ რამდენიც გინდათ და როგორც გჩვევიათ ნომერ პირველი ტერორისტად გამოგვაცხადეთ თქვენ სინდის-ნამუს გაყიდულებო თქვენ, სხვა არაფერი მაინც არ გეხერხებათ ცილისწამების და ბავშვების სისხლის დაღვრის გარდა.
ზაზა სარალიძე, რომელიც ბოლო დღეების განმავლობაში „ფეისბუქზე“ არაერთი მუქარის შეტყობინებას იღებს, პროკურატურისგან მუქარის შემცველი განცხადებების ავტორების დადგენას ითხოვს.
ადვოკატის განცხადებით, მნიშვნელოვანია მომხდარზე საგამოძიებო უწყების მხრიდან, რაც შეიძლება დროული რეაგირება, რომ სარალიძის სიცოცხლეს საფრთხე არ შეექმნას.
უფლებადამცველი ამ ფონზე განსაკუთრებით ამახვილებს ყურადღებას მერიის მიერ ზაზა სარალიძის პერსონალური მონაცემების გასაჯაროებასთან დაკავშირებით და ამას კანონდარღვევად აფასებს. მერიაში კი ამბობენ, რომ ეს მხოლოდ ტექნიკური შეცდომა იყო.
„ძალიან ბევრი განაცხადი და საჩივარი მაქვს შეტანილი, არაფერზე რეაგირება არ ყოფილა, მაგრამ უცილებლად საჩივარს შევიტან, თუ ესენი არ მოახდენენ რეაგირებას, სტრასბურგის სასამართლოს მივმართავ,“ – ამბობს ზაზა სარალიძე.