არჩევნების ჩატარების თარიღის დასახელების გაჭიანურებას ოპოზიცია პოლიტიკურ გადაწყვეტილებად აფასებს

0
576
არჩევნების ჩატარების თარიღის დასახელების გაჭიანურებას ოპოზიცია პოლიტიკურ გადაწყვეტილებად აფასებს.დეპუტატები ამბობენ, რომ ცესკო და მმართველი გუნდი ცდილობს მეორე ტური შუა კვირაში დანიშნონ იმ მიზნით, რომ დასაქმებულმა ამომრჩეველმა საარჩევნო უბნებზე მისვლა ვერ შეძლოს.„სრულიად მიუღებელი იქნება, რომ სამუშაო დღეს დაინიშნოს არჩევნების მეორე ტური, ეს იქნება აღქმული, როგორც ხელისუფლების მცდელობა, რომ ხელი შეუშალოს საარჩევნო პროცესს."ვიცით, რომ ყოველთვის ტარდება არჩევნები უქმე დღეს იმიტომ რომ მიეცეთ მოქალაქეებს შესაძლებლობა როგორც საქართველოში ისე უცხოეთში, რომ თავისუფლად მიიღოს მონაწილეობა არჩევნებში,“-ამბობს „ნაციონალური მოძრაობის“ წევრი სალომე სამადაშვილი.საპარლამენტო უმცირესობაში კი აცხადებენ, რომ ხელისუფლებას სურს მეტი ადამიანი დარჩეს სახლში, რადგან მათ იციან, რომ არჩევნების მეორე ტურში დამარცხდებიან.„ხელისუფლება ცდილობს მეტი ადამიანი დარჩეს სახლში, რადგან ისინი გრძნობენ მარცხის მოახლოებას“- ამბობს „ევროპული საქართველოს“ წევრი ოთარ კახიძე.არჩევნების დანიშვნასთან კავშირს უარყოფს მმართველი გუნდი. „ქართულ ოცნებაში“ ამბობენ, რომ ეს პოლიტიკურად დამოუკიდებელი პროცედურაა, რომელზეც გადაწყვეტილება ცესკო-მ უნდა მიიღოს.
წინა სტატია“მე მაქვს ჩემი ერთი ხმა და ერთი ხმაც ძალაა” – ემიგრანტები ცესკო-ს მოუწოდებენ არჩევნები 28 ნოემბერს არ დანიშნოს
შემდეგი სტატიაარჩევნების შემდეგ, ახალი პარტია, კოალიცია – „კანონი და სამართალი“ გამოჩნდება- თაკო ჩარკვიანი
ტელეკომპანია ოდიშის საინფორმაციო სამსახური