ალეკო ელისაშვილი: ,,სამოქალაქო ომის, რუსთაველის დანგრევის, სამეგრელოს დაწიოკების ჭრილობები ბოლომდე მოშუშებული არაა. ხელისუფლების წარმომადგენლებიასეთ თემებზე ლაპარაკს უნდა მოეშვან”

0
522
როცა ხელისუფლება საუბრობს, რომ მათი კანდიდატის დამარცხების შემთხვევაში სამოქალაქო ომი დაიწყება, ეს აღმაშფოთებელია. მაშინ არჩევნებს რატომ ატარებენ?, – ამის შესახებ თბილისის მერობის ყოფილმა კანდიდატმა ალეკო ელისაშვილმა ტელეკომპანია „პალიტრანიუსთან“ საუბრისას განაცხადა.
 
ალეკო ელისაშვილი ხელისუფლებას ურჩევს, საზოგადოებისთვის სენსიტიური თემით ნუ თამაშობს და შეახსენებს, რომ ქვეყანას სამოქალაქო ომით მიღებული იარები ჯერ კიდევ არ მოშუშებია.
 
„მაშინ რა აზრი აქვს არჩევნებს? თქვან, რომ ჩვენ არჩევნებს აღარ ჩავატარებთ, რადგან რომ ჩავატაროთ და წავაგოთ, შეიძლება ომი დავიწყოთ. ამას ამბობენ? ან რა ლოგიკაა, ან რა სინდისია, ან რა სახელმწიფოებრივი პოზიციაა. მაშინ გააუქმონ არჩევნები, სულ ჩვენ ვიქნებით და ომიც აღარ იქნებაო. ნუ თამაშობენ ამ თემით. ეს არის ძალიან მტკივნეული თემა. ძლივს ვიშუშებთ სამოქალაქო ომის, რუსთაველის დანგრევის, სამეგრელოს დაწიოკების ჭრილობებს და ბოლომდე მოშუშებული არაა. ასეთ თემებზე ლაპარაკს უნდა მოეშვან, განსაკუთრებით ხელისუფლების წარმომადგენლები. განსაკუთრებით აღმაშფოთებელია, რომ ამას ხელისუფლება ამბობს. სინამდვილეში ისინი თავის მოპარულ მილიონებს არიან ჩაფრენილები და გვეუბნებიან, ნუ წაგვართმევთ ამ მილიონებსო. ასეთი თემებით სპეკულირება და ამაზე ლაპარაკი აღმაშფოთებელია“, – განაცხადა ელისაშვილმა
წინა სტატიაარჩევნების შემდეგ, ახალი პარტია, კოალიცია – „კანონი და სამართალი“ გამოჩნდება- თაკო ჩარკვიანი
შემდეგი სტატიაგაერთიანებული ოპოზიციის ზუგდიდის შტაბის ხელმძღვანელი პროკურატურაში საგარანტიო სერთიფიკატის თაობაზე დაიბარეს [Video]
ტელეკომპანია ოდიშის საინფორმაციო სამსახური