ყოფილი სამხედრო მოსამსახურეები და ოფიცრები მმართველი გუნდის მიერ მხარდაჭერილი პრეზიდენტობის კანდიდატის წინააღმდეგ ერთიანდებიან.
„ზურაბიშვილის გაგებით, გამოდის, რომ ანწუხელიძე, ჭედია, შინდისის გმირები არ არიან გმირები, რადგან ისინი დანაშაულის ჩადენის დროს დაიღუპნენ“- თადარიგის ვიცე-პოლკოვნიკი ბადრი შელია.
„როცა მან დაადანაშაულა საქართველო ომის დაწყებაში, მერე ჩვენ კარგად გვახსოვს, მან შეცვალა და თქვა, რომ საქართველომ კი არ დაიწყო, დაიწყო სააკაშვილმა. და ამით მან კიდევ უფრო დიდი შეცდომა დაუშვა, რადგან იმ პერიოდში სააკაშვილი იყო მთავარსარდალი და სამხედროებს, ყველას გვითხრა, რომ ჩვენ შევასრულეთ მაშინდელი მთავარსარდლის დანაშაულებრივი ბრძანებები,
ე.ი. ჩვენ ყველა ვართ დამნაშავეები მისი გაგებით, გამოდის, რომ ჩვენი გმირები, ანწუხელიძე, ჭედია, შინდისის გმირები არ არიან გმირები, რადგან ისინი დანაშაულის ჩადენის დროს დაიღუპნენ,“- განაცხადა შეიარაღებული ძალების თადარიგის ვიცე-პოლკოვნიკმა ბადრი შელიამ.