პარლამენტის პლენარული სხდომა, სადაც მომავალი წლის ბიუჯეტის პროექტი უნდა განეხილათ, კვორუმის არარსებობის გამო ვერ დაიწყო. განმეორებითი რეგისტრაციის დროს ტაბლოზე სხდომათა დარბაზში 78 დეპუტატის ყოფნა დაფიქსირდა, რაც საპარლამენტო უმცირესობამ გააპროტესტა.ოპოზიციონერი დეპუტატების თქმით, 78 დეპუტატი დარბაზში არ ყოფილა. მათი თქმით, სხვა დეპუტატების პულტების გამოყენებას მოხდა.„ჩვენ მიერ ახლა რეგისტრაციის არგავლა, ეს ნამდვილად პოლიტიკური ნაბიჯია და ამით ჩვენ, „ევროპულ საქართველოს“ გვინდა ვაჩვენოთ მთელ საზოგადოებას, რომ პოლიტიკური პარტია „ქართული ოცნება“, როცა იხილება ქვეყნის მთავარი დოკუმენტი, ვერ კრებს საკმარის რაოდენობას ხმების,“ – განაცხადა „ევროპული საქართველოს“ წევრმა, ზურაბ ჭიაბერაშვილმა.
ოპოზიციის წევრებმა არ გაიარეს რეგისტრაცია, რის გამოც, საპარლამენტო უმრავლესობის წარმომადგენლებმა ოპოზიცია საბოტაჟსა და პოლიტიკურ დემარშში დაადანაშაულეს.