ბიძინა ივანიშვილის შვილის ბერას ჯვრისწერის გამო გუშინ მთავარი საკათედრო ტაძარი სვეტიცხოველი "დაიხურა." ტაძარი მრევლს დაატოვებინეს, გარეთ მყოფებს შიგნით არ უშვებდნენ , იმ წყვილებს კი ვისაც ჯვარი უნდა დაეწერათ, გარეთ ლოდინი მოუწიათ, რადგან შიგნით ბერა ივანიშვილისა და მისი მეუღლის ჯვრისწერის ცერემონიალი მიმდინარეობდა.
აღნიშნული ინფორმაციის გავრცელების შემდეგ მამა პეტრემ სოციალურ ქსელში პოსტი გამოაქვეყნა.
"აუტანელია მდაბიო მდიდრები, მდიდარი ღარიბები სჯობს!.." – წერს მამა პეტრე.
მორიგი პოსტი მიუძღვნა აღნიშნულ თემას უკვე დღეს.
"თუ ტაძარში შესვლა ფერხდებოდა, ამის მიზეზი სასულიერო პირები არ ყოფილან… სვეტიცხოველი საუკუნეებია იქ დგას, რაღა გუშინ გადაწყვიტა ყველამ სულის ცხონება…
არავის მხარეს არ წარმოვადგენ, მაგრამ არ მიყვარს ტენდენციურობა…
უფლის წინაშე ყველა თანაბარია. მისთვის არ არსებობს მდიდარი, ღარიბი, მოხუცი, ახალგაზრდა…
დიახ, არ მომწონს, რომ შეძლებულები პრივილეგიებით სარგებლობენ… განსაკუთრებით არ მომწონს, ჯვრისწერის პოლიტიზირება…
ისიც არ მომწონდა, სამების საკათედრო ტაძრის გახსნის დღეს, ქარში და წვიმაში ყოფილი ხელისუფლების წარმომადგენლებმა უბრალო მრევლი არ შეუშვა, საშვით ხდება დაშვებაო… მაშინ რატომ არავის აწუხებდა, მორწმუნე ხალხის ტაძრის გარეთ გაყინულ-გაფიჩხულ მდგომარეობაში ყოფნა?!
ბარემ ბოლომდე გულწრფელები ვიყოთ!.." – წერს მამა პეტრე.