საკრებულოს  წევრის ირაკლი ღურწკაიას მიერ პარტია „ევროპული საქატველოს“ დატოვებას  „ქართული ოცნების“ ზუგდიდის შტაბში ეხმაურებიან. მაჟორიტარი დეპუტატის მერაბ ქვარაიას თქმით, ევროპული საქართველოს მიერ გაკეთებული განცხადება, რომლის მიხედვითაც მათი პარტიის წევრებსა და მხარდამჭერებზე ზეწოლა ხორციელდება, სიმართლეს მოკლებულია. „ის, რომ ღურწკაიამ დატოვა პარტია, ამაში ხელისუფლება დამნაშავე არ არის.„მე ყოველთვის ვაცხადებდი, რომ „ნაციონალური მოძრაობა“ და „ევროპული საქართველო“ ერთი და იგივე ორგანიზაციიაა. ამდენად ის ფაქტი, რომ ადამიანები „ნაციონალური მოძრაობას“ ტოვებენ რაიმე გაკვირვებას არ უნდა იწვევდეს. ადამიანები ემიჯნებიან „ნაციონალურ მოძრაობას“ და იმ შავ ლაქას, რომელიც ამ ორგანიზაციასთან არის დაკავშირებული. სხვა მხრივ ეს ჩვენი ხელწერა არ არის. მოგეხსენებათ ეს არის მათი ხელწერა თუ რატომ ტოვებენ ადამიანები „ნაციონალურ მოძრაობას“ ეს მათ საკუთარ გადაწყვეტილებებში და მათ პარტიაში უნდა მოიკითხონ,"-განაცხადა ქვარაიამ.