დღეს ზუგდიდში  , ზვიად გამსახურდიას ძეგლთან გაიმართა საპროტესტო აქცია 2007 წლის 7 ნოემბერს თბილისში განვითარებულ მოვლენებთან დაკავშირებით.  შეკრებილებს , ხელში  ეჭირათ შემდეგი შინაარსის პლაკატები: "გვახსოვს შვიდი ნოემბერი", არა ნაცებს", არა ძალადობას" და სხვ.

 

ერთერთი ასეთი პლაკატი ეჭირა   ზუგდიდის მაჟორიტარ  დეპუტატს მერაბ ქვარაიას, რომელიც  განსაკუთრებით აქტიურობდა ახალგაზრდების მიერ ორგანიზებულ აქციაზე და უმკაცრესად შეაფასა მაშინდელი მოვლენები. 

 

,, ჩვენ შევიკრიბეთ ახალგაზრდების მიერ ორგანიზებულ აქციაზე, რომელიც ეძღვნება შვიდ ნოემბერს – ძალიან მძიმე დღეს ჩვენი ქვეყნის ისტორიაში . ეს იყო დღე, როდესაც ხელისუფლებამ იძალადა საკუთარი ხალხზე, ეს იყო დრო როდესაც საბოლოოდ გაიყარა ხელისუფლების და ხალხის გზები, რომელიც დამთავრდა ხელისუფლების გაშვებით 2012 წელს. ეს დღე ახსოვს ხალხს და ემახსოვრება დიდხანს. ის ხელისუფლება , რომელმაც გაბედა და იძალადა საკუთარ ხალხზე ხელისუფლებაში ვერ მობრუნდება", – აღნიშნა მან სიტყვით გამოსვლისას.

 

აქციაში მონაწილეობდნენ ზუგდიდის საკრებულოს წევრები, ბიზნესმენები, ,,ქართული ოცნების''  მხარდამჭერები. 

 

შეგახსენებთ, საქართველოს პოლიტიკური კრიზისი 2007 წლის ნოემბერში განპირობებული იყო რიგი მოვლენებით, რომლებიც 3 ნოემბერს დაწყებულ სახალხო საპროტესტო აქციას უძღოდა წინ. აქცია დასრულდა პოლიციის მიერ მის მონაწილეთა დაშლით და ქვეყენაში საგანგებო მდგომარეობის გამოცხადებით. კრიზისის საპასუხოდ პრეზიდენტი სააკაშვილი გადადგა და ქვეყანაში ვადამდელი არჩევნები და რეფერენდუმი გამოაცხადა, რომელიც 2008 წლის იანვარში ჩატარდა. ხალხის უმრავლესობამ ამ არჩევნებზე მიიღო გადაწყვეტილება  არსად გაეშვა მიხეილ სააკაშვილი და კვლავ პრეზიდენტად აირჩია იგი.

 

რაც შეეხება პლაკატს ,,არა ძალადობას'' სწორედაც რომ აქტუალურია  და მისი არსის გაცნობიერება მართებს დღევანდელ ხელისფლებას, რომელიც სიტყვით გმობს ძალადობას, მაგრამ თავისი პოლიტიკის დასაყრდენად აქცია იგი.