,,შერშე ლა ფამ” – ეძებეთ ქალი. სად გაქრა სალომე ზურაბიშვილი?

0
653
ნუ ნერვიულობთ, დამშვიდდით, სალომე ზურაბიშვილი მონაწილეობს კამპანიაში – ასე უპასუხა პირველმა ვიცე-სპიკერმა, თამარ ჩუგოშვილმა ჟურნალისტების კითხვას, თუ სად არის სალომე ზურაბიშვილი, რატომ არ ჩანს და სად და რა ფომით მართავს საარჩევნო კამპანიას.
 
როგორც ჩუგოშვილმა აღნიშნა, „ქართული ოცნება“ აქტიურად არის ჩართული კამპანიაში.
 
„როგორც უკვე ვთქვით, ბევრად აქტიურად მივიღებთ მონაწილეობას არჩევნების მეორე ტურში და ეს ასეც არის. ნუ ნერვიულობთ, დამშვიდდით, სალომე ზურაბიშვილი მონაწილეობს კამპანიაში, გეგმავს და კიდევ უფრო გააქტიურდება. კამპანიაში აქტიური როლი გვაქვს აღებული ჩვენ და სალომე ზურაბიშვილი კიდევ უფრო გააგრძელებს პროცესებს, რომელიც მიყავდა პირველ ტურამდე. არაფერი სანერვიულო აქ არ არის“, – განაცხადა თამარ ჩუგოშვილმა
 
სალომე ზურაბიშვილის  გაუჩინარებას  ფრაქცია “ნაციონალური მოძრაობის“ თავმჯდომარე რომან გოცირიძეც გამოეხმაურა. 
 
,,ძალიან უცნაური რაღაცაა – გადამალეს პრეზიდენტობის კანდიდატი სალომე ზურაბიშვილი და უპატარძლო ქორწილი მივიღეთ.
 
გამოაჩინონ პრეზიდენტობის კანდიდატი! თავისუფლება ქალბატონ სალომე ზურაბიშვილს! ნუ გამოკეტეთ ეს ქალბატონი სახლში – შეხვდეს ამომრჩეველს, შეხვდეს მედიას. არ ვიცი, როდემდე შეიძლება დამალონ“, – განუცხადა ჟურნალისტებს რომან გოცირიძემ.

წინა სტატიაზუგდიდის ახალი ვიცე-მერი თანამშრომლებს მაიზერ ნანავამ წარუდგინა
შემდეგი სტატიატრაგედია ვარკეთილში – დაღუპულია 9 წლის გოგონა
ტელეკომპანია ოდიშის საინფორმაციო სამსახური