„ევროპის ხალხთა პარტიისთვის, მიმდინარე საპრეზიდენტო არჩევნები განსაკუთრებულ მნიშვნელობას წარმოადგენს,“ – ეს განცხადება, ”ევროპული საქართველო – მოძრაობა თავისუფლებისთვის” გენერალური მდივანმა, გიგი უგულავამ გააკეთა.
ფინეთის დედაქალაქში მიმდინარე "ევროპის სახალხო პარტიის" კონგრესს „ნაციონალური მოძრაობის“ და „ევროპული საქართველოს“ წარმომადგენლები ესწრებიან. ოპოზიციის წევრები გუშინ, პოლიტიკურ ასამბლეაზე სიტყვით გამოვიდნენ და მათ "სახალხო პარტიის" წარმომადგენლებს ინფორმაცია მიაწოდეს იმ ვითარებაზე, რაც დღეს საქართველოშია შექმნილი.
„ევროპის ხალხთა პარტიისთვის, მიმდინარე საპრეზიდენტო არჩევნები განსაკუთრებულ მნიშვნელობას წარმოადგენს. გუშინ პრეზიდენტმა დოლმა სპეციალურად ისაუბრა, მათ შორის ისაუბრა იმ მემორანდუმზე, რომელიც ევროპულ საქართველოს და ერთიან ნაციონალურ მოძრაობას გვაქვს გაფორმებული მეორე ტურში ურთიერთ დახმარების შესახებ,“ – განაცხადა გიგი უგულავამ.
პარლამენტის ფრაქცია ”ნაციონალური მოძრაობის” თავმჯდომარის მოადგილე, სალომე სამადაშვილი აცხადებს, რომ დღეს კონგრესზე საქართველოს შესახებ დოკუმენტი უნდა დაამტკიცონ.
„ევროკავშირის ყველაზე გავლენიანი პოლიტიკური ძალის, ევროპის სახალხო პარტიის კონგრესზე დაამტკიცებენ დოკუმენტს, რომელშიც ცალსახად იქნება გაცხადებული როგორც მხარდაჭერა ჩვენი ქვეყნის და დემოკრატის ქვეყანაში, ასევე დაფიქსირდება გარკვეული შეშფოთებები იმ ვითარებასთან დაკავშირებით, რაც არის ქვეყანაში შექმნილი, რაც შეეხება ოპოზიციის წარმომადგენლებზე ფიზიკურ ძალადობას და მათი უფლებების შევიწროებას,“ – განაცხადა სალომე სამადაშვილმ