ბოდბეში „ევროპული საქართველოს” წევრს ფიზიკურად გაუსწორდნენ. ,,ხელისუფლება განზრახ ქმნის მწვავე დაპირისპირების და ძალადობის ფონს, რაც სახიფათოა – აცხადებენ პარტიაში

0
557
სიღნაღის მუნიციპალიტეტის სოფელ ქვემო ბოდბეში „ევროპული საქართველოს" წევრს, ბესიკ ლაზარიაშვილს თავს დაესხნენ. პარტიაში ამბობენ, რომ ლაზარიაშვილს გუშინ ღამით ქუჩაში უცნობი პირები დაესხნენ თავს და პარტიის დატოვება მოსთხოვეს.   
 
ევროპული საქართველო"  სიღნაღის რაიონში მომხდარ ინციდენტზე ხელისუფლებისგან რეაგირებას მოითხოვს. როგორც პარტიის წევრმა ოთარ კახიძემ ჟურნალისტებს განუცხადა, გუშინ, სიღნაღის რაიონში „ევროპული საქართველოს"აქტივისტს ბესიკ ლაზარიაშვილს თავს დაესხნენ და ფიზიკურად გაუსწორდნენ. მისი თქმით, ხელისუფლება წინასაარჩევნოდ დაპირისპირების ფონს ქმნის, რაც დაუშვებელია. კახიძის თქმით, ქვეყანას არჩევნების მშვიდ გარემოში ჩატარება სჭირდება.
 
„სიღნაღის რაიონში ბესიკ ლაზარიაშვილი გუშინ სასტიკად სცემეს. მიგვაჩნია, რომ ეს არის ძალადობის ფონის გაგრძელება, რომელსაც "ქართული ოცნება" აქტიურად ნერგავს წინასაარჩევნო პერიოდში. დღემდე დაუსჯელები არიან როგორც კორცხელის მოძალადეები, ასევე ახალქალაქში მომხდარ ინციდენტზეც სერიოზული რეაგირება, დამნაშავეების დასჯა არ მომხდარა. ხელისუფლება განზრახ ქმნის მწვავე დაპირისპირების და ძალადობის ფონს, რაც სახიფათოა. მოვუწოდებ ხელისუფლებას გამოიძიოს და რეაგირება მოახდინოს სიღნაღში მომხდარ ფაქტზე და ამავე დროს შეწყვიტოს ძალადობის წახალისება, ყველა ამგვარ შემთხვევაზე მოახდინოს პრევენცია",- განაცხადა კახიძემ.
 
შსს-ს ინფორმაციით, მომხდარ ფაქტთან დაკავშირებით, გამოძიება 126-ე, ძალადობის მუხლით დაიწყო.
 
 
 
 
წინა სტატიატრაგედია ვარკეთილში – დაღუპულია 9 წლის გოგონა
შემდეგი სტატიაცოტნე გამსახურდია: მეორე ტურში ვაშაძეს შემოვხაზავ იმ მთავარი მიზეზით, რომ ამ პარაზიტებს ადგილი მივუჩინო და ტოტალური ძალაუფლება აღარ ჰქონდეთ
ტელეკომპანია ოდიშის საინფორმაციო სამსახური