„ინტერნეტ მედია ჯგუფის“ დამფუძნებელი გიორგი კაპანაძის სოციალურ ქსელში საპრეზიდენტო კანდიდატებს შორის არსებულ განსხვავებებზე წერს.
პოსტს .პრესა გე ციტირებს
„აი, რა განსხვავებაა ვაშაძესა და ზურაბიშვილს შორის:
– ვაშაძე არის არაღიარების პოლიტიკის არქიტექტორი;
– ზურაბიშვილი არის ანტიქართული წიგნის ავტორი;
– ვაშაძემ არაღიარების პოლიტიკის განხორციელებით ხელი შეუშალა ოკუპანტს – დაერწმუნებინა მსოფლიოს სხვადასხვა ქვეყანა აფხაზეთისა და სამაჩაბლოს „დამოუკიდებლობაში“;
– ზურაბიშვილმა თავისი წიგნით ხელი შეუწყო ოკუპანტს, დაერწმუნებინა მსოფლიო ცინიკურ ტყუილში – თითქოს 2008-ში ომი საქართველომ დაიწყო;
– ვაშაძემ, რუსული ინტერვენციის გამო გამოხატა პროტესტი და უარი თქვა რუსულ პასპორტზე;
– ზურაბიშვილი, რუსული ინტერვენციის შემდეგ დაეხმარა ოკუპანტს, მისი ციტატებით გაემყარებინა პროპაგანდა;
– ვაშაძე ამბობს, რომ იქნება ყველას პრეზიდენტი;
– ზურაბიშვილი ამბობს, რომ იქნება „ზევით“ და იქნება ორი საქართველო;
– ვაშაძეს მხარს უჭერს ყველა პროდასავლური ძალა, წარსულში მომხდარი დაპირისპირების მიუხედავად.
– ზურაბიშვილს მხარს უჭერს ყველა პრორუსული ძალა, ნომერ პირველი ტერორისტის, იგორ გიორგაძისა და ნომერ პირველი კორუმპირებული ჩინოვნიკის, ლევან მამალაძის ჩათვლით.
დარჩა კითხვები?“ – წერს კაპანაძე.