“ჩვენ დღეს ვიხილეთ გაბანკროტებული და სასოწარკვეთილი ლიდერის გამოსვლა” – “ევროპული საქართველო” ბიძინა ივანიშვილის მიმართვას ეხმაურება

0
551
ჩვენ დღეს ვიხილეთ გაბანკროტებული და სასოწარკვეთილი ლიდერის გამოსვლა – ასე გამოეხმაურა „ევროპული საქართველოს“ ერთ-ერთი ლიდერი გიგი უგულავა, ბიძინა ივანიშვილის მიმართვას.
 
გიგი უგულავას თქმით, მთელი მისი გამოსვლა დაფუძნებული იყო „ნაციონალური მოძრაობის“ ლანძღვაზე.
 
„მან განაცხადა, რომ არ ისაუბრებდა 9 წელზე, მაგრამ სინამდვილეში, საუბრობდა მხოლოდ წარსულზე და 9 წელზე. მათ განაცხადეს, რომ გაიგეს ხალხის წუხილი მაგრამ სინამდვილეში  კვლავ ამჯერად უკვე ხალხის ფულით აპირებს ხალხის მოსყიდვას,“-განაცხადა გიგი უგულავამ და აღნიშნა, რომ ხალხის მოთხოვნა არის დათუნა სარალიძის მკვლელის დასჯას.
 
მისივე თქმით, ხალხის მოთხოვნა არის ასევე ფარცხალაძის და მსგავსი არაფორმალური შეიარაღებული ფორმირებების დასჯა. გიგი უგულავას განცხადებით, ამის ფონზე ბიძინა ივანიშვილმა განაცხადა, რომ თურმე მთავარი პრობლემა კოჰაბიტაცია ყოფილა.
 
„კოჰაბიტაცია ნიშნავს თანაარსებობას. 6 წელი "ქართული ოცნება" მთავარ შეცდომად მიიჩნევს, რომ პოლიტიკურ ოპონენტებს კიდევ უფრო მეტად არ გაუსწორდნენ,“-განაცხადა გიგი უგულავამ.
 
მან მოუწოდა ბიძინა ივანიშვილს, რომ ძალადობის გარეშე ჩაატაროს მეორე ტური და აღიაროს დამარცხება. გიგი უგულავა ასევე ითხოვს, რომ საპრეზიდენტო არჩევნების დასრულების შემდეგ, საპარლამენტო არჩევნები ჩატარდეს პროპორციული წესით. 
 
გიგა ბოკერია კი ბიძინა ივანიშვილის განცხადებაზე უმრავლესობის წევრები შეფასებას გამოეხმაურა. „ევროპული საქართველოს“ წევრის განცხადებით, ბიძინა ივანიშვილი ნამდვილად არ ყოფილა გულწრფელი, როგორც ამას "ქართული ოცნების" წევრები აცხადებენ. გიგა ბოკერიას თქმით, ის კიდევ ერთხელ შეეცადა ამომრჩევლის მოტყუებას.
 
„დამარცხებული ლიდერის გამოსვლა იყო რომელიც ახალ სიცრუეს პირდებოდა საზოგადოებას. ისევ ფოფხაძის და სხვების მსგავსად ისევ პირდებოდა არეულობას, აშინებდა რევანშით. აღარ გაუვა ეს ივანიშვილის,“-განაცხადა გიგა ბოკერიამ.
 
"ქართული ოცნებამ" ბიძინა ივანიშვილის საგანგებო მიმართვა გაავრცელა. ექსპრემიერი ვიდეომიმართვაში კითხულობს განცხადებას, რომლის ადრესატიც ამომრჩეველია.
 
ბიძინა ივანიშვილის შეფასებით სამართლიანია ის პრეტენზიები რომელიც მოსახლეობას "ქართული ოცნების" მიმართ აქვს. ივანიშვილი ამბობს, რომ თუ ხელისუფლება ხალხის სასარგებლოდ არ იმუშავებს, ის პირველი იქნება, ვინც მის წინააღმდეგ წავა.
 
მან საკუთარი მიმართვის უმეტესი ნაწილი გრიგოლ ვაშაძის კრიტიკას დაუთმო.
წინა სტატია“კარგი ანალიზი გვაქვს გაკეთებული რატომ მოხდა ეს ყველაფერი” – კახა კალაძე
შემდეგი სტატიაყოფილ მთავარ პროკურორ ოთარ ფარცხალაძეს ბრალი წაუყენეს
ტელეკომპანია ოდიშის საინფორმაციო სამსახური