აშშ საელჩო გამოთქვამს იმედს, რომ არჩევნების პირველ ტურში დაფიქსირებული ხარვეზები მეორე ტურში გამოსწორდება

0
527
ჩვენ ვუყურებთ არჩევნებს, როგორც კიდევ ერთ შესაძლებლობას, რომ საქართველომ წარმოაჩინოს თავისი დემოკრატიული საარჩევნო სისტემა, – ამის შესახებ ამერიკის შეერთებული შტატების ელჩის მოვალეობის შემსრულებელმა საქართველოში ელიზაბეტ რუდმა ჟურნალისტებს საქართველოს საპრეზიდენტო არჩევნებთან დაკავშირებით დასმული კითხვის საპასუხოდ განუცხადა.
 
რუდი იმედოვნებს, რომ ხარვეზები, რომელიც არჩევნების პირველ ტურში დაფიქსირდა, მეორე ტურში გამოსწორდება.
 
"ამერიკის შეერთებული შტატების საელჩო ეთანხმება ეუთოს სადამკვირვებლო მისიის შეფასებას, რომ არჩევნების პირველი ტური ჩატარდა კონკურენტულ გარემოში და ამომრჩევლებს ჰქონდათ უფლება და საშუალება დაეფიქსირებინათ თავისი ნება.
 
ჩვენი საელჩო ასევე იზიარებს იმ საკითხებს და პრობლემებს, რაც დაფიქსირდა არჩევნებზე ხარვეზების სახით და ვიმედოვნებთ, რომ ხარვეზები გამოსწორდება მეორე ტურში. ჩვენ ვუყურებთ არჩევნებს, როგორც კიდევ ერთ შესაძლებლობას, რომ საქართველომ წარმოაჩინოს თავისი დემოკრატიული საარჩევნო სისტემა“, – განაცხადა ელჩის მოვალეობის შემსრულებელმა.
წინა სტატიამაიაკოვსკისებურად: ალექსანდრე მოწერელია მოსახლეობას პირდება, რომ ადილობრივი ხელისუფლება ისაუბრებს არა დაპირებებზე, არამედ კონკრეტულ ნაბიჯებზე, რომელსაც გადადგამს
შემდეგი სტატიასაარჩევნო დაპირებების პოლიტიკა გრძელდება: დავით სერგეენკო აცხადებს, რომ დევნილი ოჯახების განსახლების მიზნით სახელმწიფო მენაშენეებისგან 400 ბინას შეისყიდის
ტელეკომპანია ოდიშის საინფორმაციო სამსახური