სოფელ ტყაიის რწმუნებულის მიმართ ზუგდიდის მერიას ამ დრომდე არანაირი ზომები არ მიუღია. ედემ კეკუტია, რომელიც 28 ოქტომბერს ტყაიის 71- ე უბანზე ნასვამი მივიდა და იგინებოდა, დღესაც ადგილზე რჩება და მუშაობას აგრძელებს. კეკუტიას მიერ ამომრჩეველზე ზეწოლისა და ოპოზიციური პარტიების წარმომადგენლების მისამართით გამოთქმული გინებისა და ქმედებების ამსახველი ვიდეო ნაციონალური მოძრაობის დამკვირვებელმა ტელეფონით გადაიღო. საკრებულოს თავმჯდომარე მამუკა წოწერიამ რამდენიმე დღის წინ „ოდიშინიუსს“ განუცხადა, რომ ვიდეო, რომელმაც სოციალური ქსელი დაიპყრო, ნანახი არ ქონდა,მისი თქმით, კეკუტიას ქმედებებს შიდაუდიტის სამსახური იკვლევდა და მხოლოდ ამის შემდეგ მოხდებოდა რეაგირება. თუმცა ზუგდიდის მერიაში ამ საკითხზე კომენტარს არ აკეთებენ და არც იმას ადასტურებენ, იკვლევს თუ არა შიდა აუდიტი საკითხს.
ტყაიის რწმუნებული მუშაობას აგრძელებს, მიმართ ზუგდიდის მერიას ამ დრომდე არანაირი ზომები არ მიუღია [Video]
Published on