არჩევნების მეორე ტურში მხარს ვუჭერთ ოპოზიციის კანდიდატ გრიგოლ ვაშაძეს და ამ შეხვედრით კიდევ ერთხელ გაესვა ხაზი ჩვენს გადაწყვეტილებას – განაცხადა „რესპუბლიკური პარტიის“ თავმჯდომარე ხათუნა სამნიძემ გგაერთიანებული ოპოზიციის შტაბში „ძალა ერთობაშიას“ პრეზიდენტობის კანდიდატ გრიგოლ ვაშაძესთან შეხვედრის დასრულების შემდეგ
”ნახევარზე მეტმა ამომრჩეველმა „ქართულ ოცნებას“ უთხრა, რომ ის ვერ ხედავს დღევანდელ ხელისუფლებას, რომ ის ვერ ხედავს პრეზიდენტის ამპლუაში მათ კანდიდატს. საპრეზიდენტო სავარძელი იქნება ოპოზიციის ხელში და ეს იქნება მკაფიო სიგნალი ბიძინა ივანიშვილისთვის, რომ ის ყოვლისშემძლე არ არის…
იმ პირობებში, როცა ყველა შტო, მთელი ძალაუფლება არის ერთი პარტიის ხელში, მნიშვნელოვანია პრეზიდენტის ინსტიტუტი მაინც იყოს ოპოზიციის, რომ მოხდეს ძალაუფლების გადანაწილება,” – აღნიშნა სამნიძემ.