მსხვერპლით დასრულდა ავტოსაგზაო შემთხვევა ზუგდიდის მუნიციპალიტეტის სოფელ ახალსოფელში. მსუბუქი ავტომობილი გარეგაგანათების ბოძს დაეჯახა. მედიკოსების შეფასებით, მიუხედავად გატარებული ღონისძიებებისა, სასწრაფო სამედიცინო დახმარების სამსახურის მიერ შემოყვანილი ერთი პაციენტი იმყოფებოდა ტერმინალურ მდგომარეობაში და მისი გადარჩენა ვერ მოხერხდა, რაც შეეხება მეორეს, მისი ჯანმრთელობის მდგომარეობა დამაკმაყოფილებელია და მის სიცოცხლეს საფრთხე არ ემუქრება.
შსს-ს ინფორმაციით, მომხდართან დაკავშირებით გამოძიება დაწყებულია 276 მუხლის მეხუთე ნაწილით.