ფოთისა და ზუგდიდის საოლქო საარჩევნო კომისიებში საჩივრების მხოლოდ მცირე ნაწილი დაკმაყოფილდა

0
388
ფოთის 70-ე საოლქო-საარჩევნო კომისიაში საჩივრების განხილვა ხმაურის ფონზე წარიმართა. 31 საჩივრიდან კომისიამ მხოლოდ ორი დააკმაყოფილა 28 საჩივარი კი განუხილველი დარჩა.
 
70-ე საოლქო საარჩევნო კომისიის თავმჯდომარის, სალომე როდონაიას განცხადებით, გარკვეული უსაფუძვლობის გამო, 31 საჩივრიდან 28 განუხილველი დარჩა. საჩივრების ნაწილზე პროცედურების დარღვევის დრო არასწორად იყო მითითებული, ნაწილზე კი მოთხოვნა არ იყო მითითებული.
 
 
ზუგდიდის 67-ე საოლქო საარჩევნო კომისიამ 18 დან 9 საჩივარი განიხილა. როგორც კომისიის თავმჯდომარე მირანდა მესხმა განაცხადა, 9 საჩივრიდან 5 საჩივარი დაკმაყოფილდა, რომელიც ახალგაზრდა იურისტთა ასოციაციას ეკუთვნოდა.
 
ნაციონალური მოძრაობის 2 საჩივარი ნაწილობრივ დაკმაყოფილდა. რაც შეეხება 2 დაუკმაყოფილებელ საჩივარს, ერთი ეკუთვნოდა საერთაშორისო გამჭვირვალობა საქართველოს, სადაც უბნის შედეგების გაუქმებას ითხოვდნენ, თუმცა ფაქტების არარსებობის გამო არ დაკმაყოფილდა, ასევე არ დაკმაყოფილდა საიას კიდევ ერთი საჩივარი, რომელიც გადასატანი ყუთის დაგვიანებასთან დაკავშირებით დაიწერა.
 
მისივე თქმით, ყველა საჩივარი პროცედურული ხასიათისაა, რაც იმას ნიშნავს, რომ არჩევნების შედეგებზე გავლენას ვერ მოახდენს.
წინა სტატია“პარტია მზად იქნება ყველა რაიონული ორგანიზაციით მიიღოს მონაწილეობა მეორე ტურის კამპანიაში” – დავით ბაქრაძე
შემდეგი სტატიაშეუსაბამო ხერხებით ამომრჩეველთა მობილიზაცია და ადმინისტრაციული რესურსის არასათანადო გამოყენება – აშშ საელჩო იზიარებს ეუთოს შეშფოთებას არცევნებში გამოვლენილი ხარვეზებით
ტელეკომპანია ოდიშის საინფორმაციო სამსახური