ახალქალაქში ნაცემი გაერთიანებული ოპოზიციის აქტივისტების ჯანმრთელობის მდგომარეობა გვიან ღამით დამძიმდა

0
355
ახალქალაქში ნაცემი გაერთიანებული ოპოზიციის აქტივისტების ჯანმრთელობის მდგომარეობა გვიან ღამით დამძიმდა. ამის გამო კლინიკიდან გაწერილი პაციენტები კვლავ კლინიკაში დააბრუნეს. ორი დაზარალებული ადგილობრივ საავადმყოფოში მოათავსეს – ერთი კი, რომელსაც თავის ტრავმა ჰქონდა მიღებული, თბილისში, ტრავმატოლოგიურ კლინიკაში გადმოიყვანეს. ნაცემი აქტივისტები გვიან ღამით საავადმყოფოში მოინახულა გაერთიანებული ოპოზიციის პრეზიდენტობის კანდიდატმა, გრიგოლ ვაშაძემ. ოპოზიციის ლიდერებს ობიექტური გამოძიების იმედი არ აქვთ.
 
"ამაზე 24 საათიც ძალიან ბევრია, რომ გამოძიებამ თქვას თავისი სიტყვა. მე ეჭვი მეპარება რომ "ქართული ოცნება" დასჯის იმ ადამიანს ახალქალაქში ვისზეც დგას, ამ შემთხვევაში ემზელ მკოიანს, მაგრამ თუ ამას არ გააკეთებს ხვალ ქართული ოცნება, რამდენიმე დღეში როდესაც ჩატარდება მეორე ტური საპრეზიდენტო არჩევნებისა, მთელი ქვეყნის მოსახლეობა დამატებით კიდევ ერთხელ თავის ნებას დააფიქსირებს "ქართული ოცნების" წინააღმდეგ,"-აცხადებს ნიკა მელია.
წინა სტატია“ნაცები ბრუნდებიანო… რა ნაცები ბრუნდებიან?! უამრავი ახალი ხალხია საქართველოში. ამ ადამიანებს უნდა გავუხსნათ გზა,“- მიხეილ სააკაშვილი
შემდეგი სტატიამარიხუანას მოხმარება ნებისმიერ ადგილზე გარდა, საცხოვრებელი სახლისა, ჯარიმით დაისჯება
ტელეკომპანია ოდიშის საინფორმაციო სამსახური