მცირე ხნის წინ სალომე ზურაბიშვილმა სოციალურ ქსელში დაწერა,  რომ  „ამ საღამოს, 20:00 საათზე, აპირებს განცხადების გაკეთებას პირდაპირ ეთერში“

 

აღსანიშნავია, რომ 28 ოქტომბრის არჩევნების შემდეგ ეს სალომე ზურაბიშვილის პირველი განცხადება იქნება. მას სხვა კანდიდატებისგან განსხვავებით ამ დრომდე  მადლობაც კი არ გადაუხდია მხარდამჭერებისთვის და, მით უფრო, არანაირიკომენტარი არ გაუკეთებია არჩევნების შედეგებთან დაკავშირებით. 

 

ცენტრალურმა საარჩევნო კომისიამ ამომრჩეველთა ხმების დათვლა დაასრულა. ცესკოს მიერ გამოქვეყნებული, 3705 უბნის შედეგების მიხედვით, „ქართული ოცნების“ მიერ მხარდაჭერილმა პრეზიდენტობის კანდიდატმა სალომე ზურაბიშვილმა ამომრჩეველთა ხმების 38,64 %, „ნაციონალური მოძრაობის“ კანდიდატმა გრიგოლ ვაშაძემ კი – 37,74 % მიიღო. აღნიშნული მონაცემების შედეგად, მეორე ტურის გამართვა გახდა საჭირო.