„ქართული ოცნების“ ოფისში განსაკუთრებული მობილიზებაა, როგორც თბილისში, ასევე რეგიონებში.პარტიაში საპრეზიდენტო არჩევნების მეორე ტურისთვის ერთობლივ სამოქმედო გეგმაზე მუშაობენ, ამ მიზნით უკვე იკრიბებიან „ქართული ოცნების“ ზუგდიდის შტაბში.რასაც ადასტურებს საკრებულოს თავმჯდომარე მამაუკა წოწერია. მისი თქმით, იმ მესიჯებს საბოლოოდ გასცემენ პასუხს, რაც პირველ ტურის შედეგებმა აჩვენა.ამ წუთებში შტაბთან იკრიბებიან პარტიის წევრები და მხარდამჭერები, მათ შორისაა ზუგდიდის ყოფილი მერი ლაშა გოგია, რომელიც „ოდიშინიუსის“ წყაროს ინფორმაციით, გუშინ, აღმაშენებლის გამზირზე მდებარე ოცნების შტაბში ე.წ. ქურდულ გარჩევას ესწრებოდა. გოგიამ შტაბში შეკრება და ჩხუბი უარყო და მაქსიმალურად შეეცადა პასუხები არ გაეცა ჟურნალისტის შეკითხვებზე. იქონია თუ არა ზუგდიდში მმართველი გუნდის დამარცხებაზე გავლენა იმ ფარულმა ჩანაწერებმა, სადაც გოგია ფიგურირებს, მისი პასუხია რომ არ სურს ინტერვიუს ჩაწერა. დღეს 8 საათზე მმართველი გუნდის მხარდაჭერილი კანდიდატი 2 დღიან დუმილს დაარღვევს და განცხადებას გააკეთებს.
“ქართული ოცნების” ზუგდიდის შტაბში პარტიის წევრები და მხარდამჭერები იკრიბებიან [Video]
Published on