„აგონიაში მყოფი ქართული ოცნება პირდაპირ პროვოკაციებზე და ძალადობაზე მიდის,“ -.გაერთიანებული ოპოზიციის საპრეზიდენტო კანდიდატის საარჩევნო შტაბის ხელმძღვანელი გიორგი ვაშაძე ახალქალაქში მომხდარ ფიზიკურ დაპირისპირებას ეხმაურება. და ხელისუფლებას ძალადობის შეწყვეტისკენ მოუწოდებს
ვაშაძის თქმით, ხელკეტებით შეიარაღებულ ოცამდე პირი ახალქალაქისოპოზიციის შტაბის შენობაში შეიჭრა და ფიზიკურად გაუსწორდა გრიგოლ ვაშაძის საარჩევნო შტაბის ხელმძღვანელს და წევრებს. დაშავებულია ოპოზიციის სამ წევრი ისინი სასწრაფო სამედიცინო დახმარების ბრიგადებმა კლინიკაში გადაიყვანეს
„ამ თავდასხმას ხელმძღვანელობდა ენძელ კოიანის, „ქართული ოცნების“ მაჟორიტარი დეპუტატის, ძმა არტურ მკოიანი. ეს პიროვნება იდენტიფიცირებულია და ასევე მიმდინარეობს ჩვენ მხრიდან სხვა თავდამსხმელების იდენტიფიცირება. ჩვენი ინფორმაციით, 20-მდე ადამიანი დაესხა ჩვენს შტაბს. ხელკეტებით იყვნენ შეიარაღებულები და სასტიკად არიან ნაცემები. ასევე, ჩვენი ინფორმაციით აბრაჰამ აბრაამიანი შეიძლება გადმოიყვანონ თბილისში იმდენად მძიმე ტრამვები აქვს,“ – ამბობს ვაშაძე.
ვაშაძე ამბობს, რომ თავდასხმის მიზანს არჩევნების გაყალბება წარმომადგენელს. ვაშაძის თქმით, სწორედ ამ ადამიანებს უნდა შეეტანათ საჩივრები არჩევნებზე გამოვლენილ დარღვევებთან დაკავშირებით.
„მე მინდა მივმართო შსს-ს და ვუთხრა, პირველ რიგში, მადლობა ვუთხრა, ძალიან ბევრ ღირსეულ პოლიციელს, რომელმაც უარი თქვა პირდაპირი პოლიტიკური დავალებების შესრულებაზე არჩევნების დღეს და აქვე მინდა მივმართო, რომ ხალხო, ეს არის პირდაპირი უკანონობა. მოვითხოვთ, რომ დაუყოვნებლივ დაკავებული იქნას არტურ მკოიანის, ენზელ მკოიანის, თქვენი მაჟორიტარი დეპუტატის ძმა. ასევე, მივმართავ შსს-ს თანამშრომლებს, რომ ნუ შეასრულებთ უკანონო დავალებებს, რომლებსაც თქვენ ალბათ, ახლაც გაძლევენ და პირდაპირ, ბატონ გახარიას მინდა მივმართო, რომ თქვენ ხართ პასუხისმგებელი იმაზე, რომ მოხდება რეაგირება ამ ფაქტთან დაკავშირებით,“ – განაცხადა ვაშაძემ.