ჭითაწყარში, საცხოვრებელი სახლი დაიწვა. თვითმხილველები ამბობენ, რომ ხანძარი მეზობლებმა შეამჩნიეს და გამოიძახეს სახანძრო-სამაშველო სამსახური, რომელიც მათი თქმით, ადგილზე დროულად მივიდა, თუმცა სახლის გადარჩენა ვერ მოხერხდა. „შევამჩნიეთ კვამლი, დავუძახეთ უცებ სახანძროს და მოვიდნენ, მაგრამ ხის სახლია და ალში იყო გახვეული, ყველაფერი დაიწვა, ერთი ლოგინიც კი არა აქვს ოჯახს“- უთხრა „ოდიშინიუსს ერთ-ერთმა თვითმხილველმა. მეზობლების ინფორმაციით, ხანძრის დროს სახლში ოჯახის წევრები არ იმყოფებოდნენ. ბესიკ ღვინჯილიას 2 მცირეწლოვანი შვილი ყავს და მეზობლების ინფორმაციით,არიან სოციალურად დაუცველები და ფაქტიურად ღია ცის ქვეშ რჩებიან. ამ დროისთვის ცეცხლი ლოკალიზებულია, ხანძრის გამომწვევ სავარაუდო მიზეზად ელექტროენერგია სახელდება.