„ქართული ოცნების“ ზუგდიდის შტაბში არჩევნების შედეგებით უკმაყოფილო არიან. ამის შესახებ დღეს ჟურნალისტებს მმართველი გუნდის მაჟორიტარმა დეპუტატმა მერაბ ქვარაიამ განუცხადა, მისი თქმით, ამ შდეგებით ქართველმა ხალხმა გზავნილი გაუგზავნა ხელისუფლებას , რომელსაც დეპუტატის თქმით, სწორად შეაფასებენ და გააანალიზებენ. „ჩვენ შეგვიძლია თამამად ვთქვათ რომ არჩევნებმა მაღალი ევროპული სტანდარტით თავისუფალ და დემოკრატიულ გარემოში ჩაიარა, რაც უდაოდ უნდა მივიჩნიოთ ქართული ოცნების ხელისუფლების დამსახურებად. რაც შეეხება არჩევნების შედეგებს, ბუნებრივია, ჩვენ არ ვართ არჩევნების შედეგებით კმაყოფილი. ამ შედეგების ანალიზი საფუძვლიანად გაკეთდება. ამ შედეგებით იკვეთება, რომ ქართველმა ხალხმა ჩვენ გამოგვიგზავნა გზავნილი. რომელსაც ჩვენ აუცილებლად წავიკითხავთ,“-განაცხადა მერაბ ქვარაიამ.
სამეგრელოს 107 უბნიდან თითქმის ყველგან გრიგოლ ვაშაძე ლიდერობს.