ენმ-ის ინფორმაციით, ზუგდიდში, რიყის 63-ე და 99-ე, ასევე ჭითაწყარის 76-ე უბნებზე უბნის კოორდინატორები იყვნენ და ეწეოდნენ აგიტაციას, მთ ეცვათ მაისურები სალომე ზურაბიშვილის მხარდამჭერი სიმბოლიკით, რაც დარღვევაა.
პარტიის ადგილობრივი ორგანიზაციის ხელმძღვანელ ანა წითლიძის განცხადებით, ამას გარდა, ამ უბნების ერთადერთ შესასვლელ ჭიშკრებთან მათ დილით გაკრული დახვდათ მმართველი პარტიის მიერ მხარდაჭერილი კანდიდატის საარჩევნო პლაკატი. ეს პლაკატები მათ უკვე ჩამოხიეს.
„პლაკატები იყო გაკრული და ჩამოვხსენით. ყველგან სადაც მასიურად არის, ჩამოხევთ, რადგან არ აქვთ ამის უფლება. ეს არის ერთადერთი შესასვლელი ჭიშკრები უბნებზე. ჩვენი წარმომადგენლები უკვე წერენ საჩივარს უბანზე. ოლქში აგიტაციაზე უკვე დაიწერა. ესენი უბნის კოორდინატორები არიან, არაუფლებამოსილი პირები“, – განაცხადა ანა წითლიძემ