ზუგდიდის მე-4 საარჩევნო უბანზე „ერთიანი ნაციონალური მოძრაობის'' დამკვირვებელსა და კომისიის თავმჯდომარეს შორის სიტყვიერი დაპირისირება მოხდა. დამკვირვებელი ელისო შენგელია აცხადებს, რომ მას გადაადგილების უფლებას არ აძლევენ.
კომისიის თავმჯდომარმ ნანა გურგულიანმა განმარტა, რომ შენიშვნა დამკვირვებელს სამართლიანად მისცა, რადგან იგი ამომრჩეველთა სამაგიდო სიას მიუახლოვდა. დამკვირვებლებისთვის არის თავისი ადგილი, არაფერი არ არის შეზღუდული მაგრამ მაგიდასთან მისვლა დაუშვებელია – განაცხადა ნანა გურგულიანმა.
საოლქო კომისიის თავმჯდომარე მირანდა მესხმა განმარტა, რომ „დამკვირვებელი არ არის შეზღუდული გადაადგილებაში, თუ რა თქმა უნდა ის ხელს არ უშლის კომისიის მუშაობას“ . უბანზე მისულ ,,ოდიში ნიუსის'' ჟურნალისტს ვერავინ დაუდასტურა, რომ დამკვირვებლის მხრიდან ხელის შეშლის მცდელობას ჰქონდა ადგილი. ,,იმ მომენტში მე უბრალოდ თვალს ვადევნებდი ბიულეტენის გაცემის პროცედურას, რისი უფლებაც მაქვს '' – განაცხადა დამკვირვებელმა ელისო შენგელიამ.