ზაალ უდუმაშვილი: საარჩევნო უბნებიდან ჩვენი კომისიის წევრების გაძევებას ცდილობენ, რათა იქ შემდეგ კარუსელები დაატრიალონ

0
334
გაერთიანებული ოპოზიციის საარჩევნო შტაბში დარღვევებთან დაკავშირებით ბრიფინგი გაიმართა.
 
საქმე ე.წ. საარჩევნო კარუსელებს ეხება. საარჩევნო პროცესში მომხდარ დარღვევებზე ჟურნალისტებს ინფორმაცია გაერთიანებული ოპოზიციის ერთ-ერთმა ლიდერმა, ზაალ უდუმაშვილმა წარუდგინა. მან ბოლო 6 საათის განმავლობაში, საქართველოს მასშტაბით აღრიცხულ დარღვევებზე ისაუბრა და აღნიშნა, რომ თითოეულ მათგანზე რეაგირება უნდა მოხდეს.
 
"თბილისის 87-ე უბანზე, ამომრჩეველმა ბიულეტენი კონვერტთან ერთად გარეთ გაიტანა. კომისიის წევრებმა ეს შენიშნეს, ამის შემდეგ მოქალაქე გაიქცა უბნიდან საერთოდ. 112-ე უბანზე, გადასატან საარჩევნო ყუთს გაატანეს 5 ბიულეტენი, ხოლო უკან დაბრუნდა 4 ბიულეტენი, რაც ადასტურებს იმ ფაქტს, რომ "ქართული ოცნება" ამ უბანზე კარუსელის დატრიალებას გეგმავს. ძაან საინტერესო ფაქტია, ქუთაისის. ქუთაისის 103-ე უბანზე რეგისტრატორთან მივიდა ამომრჩეველი, რომელსაც უკვე შემოხაზული ბიულეტენი ჰქონდა, თან ამის ვიდეომასალა გაგვაჩნია ჩვენ. დიდუბის 28-ე უბანზე დაიკარგა 50 ბიულეტენი, ამ ფაქტზე ჩვენი წარმომადგენელი საჩივრის დაწერის გამო, კომისიის თავმჯდომარემ გარეთ გამოაგდო საერთოდ. ამ უბანზე არის მაღალი რისკის კარუსელი. ზოგადად არაერთი ფაქტი დაფიქსირდა უკვე თბილისში, სადაც ჩვენი კომისიის წევრებს გაძევებას ცდილობენ საარჩევნო უბნებიდან, რათა იქ შემდეგ კარუსელები დაატრიალონ. ჩვენ ვაფრთხილებთ, ყველა კომისიის თავმჯდომარეს, რომ ვინც ასეთ ფაქტებში იქნება შემჩნეული მათი პასუხისმგებლობის საკითხი დადგება აუცილებლად. წალკაში გაერთიანებული ოპოზიციის კომისიის წევრს, ხელი დაარტყეს და ფიზიკურად შეეხნენ მას და ეს გააკეთა "ქართული ოცნების" წარმომადგენელმა და ასევე უცხოეთში ამ დრომდე არ არის, შვეიცარიაში გახსნილი უბანი, საკონსულო არ უხსნის უბანს, ამომრჩევლებს. ეს არის ის ფაქტები, რომლებიც ამ ბოლო 6 საათის განმავლობაში დაფიქსირდა საქართველოს მასშტაბით. ჩვენ ვადევნებთ თვალს არჩევნებს,"-აცხადებს ზაალ უდუმაშვილი. 
წინა სტატიასიტყვიერი დაპირისპირება მოხდა ზუგდიდის რაიონის, სოფელ კოკში, სადაც ოპოზიცია ერთ-ერთ უბანზე სალომე ზურაბიშვილის პლაკატის მოხსნას ითხოვდა
შემდეგი სტატიაენგურის ხიდზე გადმომსვლელები ამბობენ, რომ შეფერხება არ ქონიათ [Video]
ტელეკომპანია ოდიშის საინფორმაციო სამსახური