„შინაგან საქმეთა სამინისტრო სრულ მზადყოფნაშია იმისთვის, რომ მთელი ქვეყნის მასშტაბით არჩევნები ჩატარდეს მშვიდ და წყნარ ვითარებაში. თითოეული პოლიციელი მზადაა, რომ მოქალაქეებმა არჩევანი გააკეთონ უსაფრთხო და მშვიდ გარემოში… ამ მიზნის მისაღწევად საპოლიციო ძალები გადაადგილდება იმ საჭიროებით, რა საჭიროებითაც ჩვენ ჩავთვლით აუცილებლად“, – განაცხადა შს მინისტრმა გიორგი გახარიამ. მისი თქმით სწორედ აღნიშნულს უკავშირდებოდა პოლიციის მძიმე ტექნიკის გადაადგილება დედაქალაქსა და სხვა ქალაქებში, რომლის ამსახველი კადრებიც სოციალურ ქსელში გავრცელდა.
განსაკუთრებული კითხვები აღიძრა იმასთან დაკავშირებით, რომ კახეთის გზატკეცილზე გადაადგილდებოოდა შინაგან საქმეთა სამინისტროს ჭავლსატყორცნი მანქანებიც, რომლებიც აქციების დასაშლელად საჭირო სპეციალური ტექნიკის კატეგორიას მიეკუთვნება
თვითმხილველების მიერ გადაღებული კადრებიდან ჩანს, რომ ორი ჭავლსატყორცნი მანქანა რკინის დამცავებითაა აღჭურვილი.
ამავე ესკორტში გადაადგილდებოდა კიდევ, რამდენიმე ერთეული სპეცტექნიკა.