მასობრივად ხდება ბიულეტენების საარჩევნო უბნებიდან დაკარგვა, გაქრობა, აორთქლება, – ამის შესახებ "ძალა ერთობაშიას" ერთ-ერთმა ლიდერმა გიორგი ვაშაძემ ბრიფინგზე განაცხადა, სადაც არჩევნების მიმდინარეობისას დაფიქსირებულ დარღვევებზე ისაუბრა.
"მასობრივად ხდება ბიულეტენების საარჩევნო უბნებიდან დაკარგვა, გაქრობა, აორთქლება. გარეთ მდგომი ჩვენი დამკვირვებლები საარჩევნო უბნებთან მასიურად ართმევენ ბიულეტენებს ადამიანებს, რომლებიც ე.წ. კარუსელისთვის ემზადებიან. პასპორტიც კი გვაქვს ადამიანის გადაღებული, ვისაც ხელში ჰქონდა ბიულეტენი. ანუ მასიურად ცდილობენ, რომ ბიულეტენი გამოიტანონ და კარუსელი დაატრიალონ შემდეგ უკვე ბიულეტენით,“ – განაცხადა გიორგი ვაშაძემ.