"ქართული ოცნება – დემოკრატიული საქართველოს" დაკვეთით, "ფსიქოპროექტის" მიერ ჩატარებული ეგზიტპოლის შედეგები მკვეთრად განსხვავდება რუსთავი 2 – ისა და ევროპული საქართველოს დაკვეთით ჩატარებული ეგზიტპოლების შედეგებისგან.
ქართული ოცნების ეგზიტპოლის შედეგების თანახმად, არჩევნებში ხმათა უმრავლესობა დამოუკიდებელმა საპრეზიდენტო კანდიდატმა სალომე ზურაბიშვილმა მიიღო – 52.3%
მეორე ადგილზე – გრიგოლ ვაშაძე 28.1%
მესამე ადგილზე – დავით ბაქრაძე 9.2%
მეოთხე ადგილი – ზურაბ ჯაფარიძე 3.3%
"ქართული ოცნების" ცნობით, მათი ეგზიტპოლის შედეგების ცდომილება 2.6%-ია.
„როგორც ეგზიტპოლის შედეგებმა გვაჩვენა, სალომე ზურაბიშვილი დამაჯერებლად ლიდერობს ამ არჩევნებში. ჩვენ ახლა უნდა დაველოდოთ ცესკო-ს შესაბამის პროცედურებს, დათვლის შედეგებს – განაცხადა პრემიერ-მინისტრმა მამუკა ბახტაძემ,.
ოცნების შტაბში მომღერლები ყავთ მიყვანილი, თუმცა სცენის დამონტაჟებას არ ჩქარობენ. როგორც მათი საპამაშვიდო გამომეტყველებიდა ჩანს, დიდად არ ეკონცერტებათ და მთელი იმედები ხმების დათვლის პროცესის სათავისოდ შემობრუნებაზე აქვთ დამყარებული. აბა მართლა რაღაც გაურკვეველი ორგანიზაციის ,,ფსიქოპროექტის'' ეგზიტპოლზე ხომ არ გამართავენ ტაშფანდურს, ვაითუ იმ სცენაზე მოულოდნელად სულ სხვა ვინმე ახტეს მისთვის ჩვეული გაბედულებითა და სისხარტით