გაერთიანებული ოპოზიციის „ძალა ერთობაშიას“ წარმომადგენელი გიგა მიქავა აცხადებს, რომ ფოთში, 23-ე უბანზე მასთან ,,ქართული ოცნების “ წარმომადგენელი მივიდა და გარკვეული დროით უბნის დატოვების სანაცვლოდ, თანხა შესთავაზა.
,,ქართული ოცნების“ წარმომადგენელი მოვიდა და მომთხოვა ერთი საათის განმავლობაში გავრიდებოდი ტერიტორიას, დამეტოვებინა უბანი. ამ პერიოდში კი ის მოიყვანდა მმართველი გუნდის მხარდამჭერებს, მათთვის სასურველი არჩევანის გასაკეთებლად. ამის სანაცვლოდ კი ჯერ 500 ლარს დამპირდა, არჩევნების შემდეგ კი დამატებით თანხის მოცემას,“- განუცხადა ჟურნალისტებს გიგა მიქავამ.
,გაერთიანებული ოპოზიციის წარმომადგენელი 70- ე საოლქო საარჩევნო კომისიაში დავით ხომერიკი კი აცხადებს, რომ არჩევნები ფოთში დილიდანვე დარღვევებით მიმდინარეობს.
„ეს შემთხვევა კი იმის დადასტურებაა, რომ ,,ქართული ოცნება“ გაყალბებისთვის ემზადება“, – აღნიშნა ხომერიკმა.